“Testimonio cabal” del Reino de Dios
1. Mbaʼépa ñañepyrũta jastudia ág̃a semána 14 de marzo guive?
1 Ág̃a semána 14 de marzo 2011 guive ñañepyrũta jastudia pe lívro“Testimonio cabal” del Reino de Dios, Ñandejára Ñeʼẽ Ñehesaʼỹijópe. Jaleévo ko puvlikasión haʼete ku ñañandu ha jahechapátava umi mbaʼe oñemombeʼúva Héchospe. Ko lívro ndahaʼéi ohesaʼỹijóva káda versíkulo de Hechos, síno omombeʼu mbaʼe mbaʼépa ikatu ñaaprende chugui ha mbaʼéichapa umíva ñanepytyvõkuaa ñande rekovépe (Rom. 15:4).
2. Emombeʼu mbaʼe mbaʼépa oreko pe lívro “Testimonio cabal”.
2 Mbaʼe mbaʼépa oreko ko lívro. Páhina 2-pe jajuhúta pe kárta porãite oguerukáva ñandéve Cuerpo Gobernante, omombeʼúva mbaʼéichapa ñanepytyvõkuaa ko lívro. Kapítulo 2 guive ojehai mbykymi iñepyrũmbýpe mbaʼe rehépa oñeñeʼẽta upe kapítulope ha mbaʼe pártepa oñehesaʼỹijóta Hechos. Heta kapítulope jatopáta avei oĩha rrekuádro oñeʼẽva umi hénte, lugár térã ambue mbaʼe oikovaʼekuére. Avei káda óha oguereko ojehai hag̃ua ikostádope. Oreko heta taʼanga ohechauka porãva mbaʼe mbaʼépa ohasavaʼekue umi kristiáno ypykue, ha pe última páhinape katu oĩve informasión omyesakã porãva umi taʼanga. Reavrívo pe lívro retopáta peteĩ mápa ohechaukáva moõ rupípa ohovaʼekue umi ñane ermáno síglo primeropegua omyerakuã hag̃ua pe marandu porã (Hech. 1:8).
3. Mbaʼe porandu iñimportántevapa oñembohováita jastudiávo pe lívro de Hechos?
3 Ombohovái umi porandu iñimportánteva. Jastudiávo pe lívro de Hechos oñemyesakã porãvéta ñandéve umi mbaʼe jaikuaaséva predikasióngui. Pór ehémplo, mbaʼépa ojapo umi omoirũ añetéva Jesucrístope ha mbaʼe marandúpa omoherakuã hikuái? Mávapa omoakã pe predikasión ko yvy tuichakuére ha mbaʼéichapa ojejapo upéva? Mbaʼépa ojapo umi kristiáno tee oĩramo oñemoĩva térã opersegíva chupekuéra? Mbaʼéichapa pe espíritu sánto ñanepytyvõ japredika hag̃ua?
4. Mbaʼépa jajapovaʼerã ideprovécho hag̃ua ñandéve ko lívro?
4 Ikatu hag̃uáicha ideprovécho ndéve ko lívro tekotevẽ restudia oñehesaʼỹijo mboyve kongregasiónpe ha rejeprepara porã rekomenta hag̃ua. Aníkena refalta rreunionhápe, ha epensa mbaʼéichapa ikatu rejapo umi mbaʼe ojestudiáva upépe. Hiʼãite ningo ko puvlikasión neporãva oipytyvõ opavavépe omyerakuã hag̃ua opárupi ha hekoitépe pe marandu porã (Hech. 28:23).