¡Ñainvitákena chupekuéra!

Heta kongregasiónpe oĩ maranduhára ijedáma térã hasykatúva, ha upévare ndaikatúi osẽ meme predikasiónpe (2 Cor. 4:16). ¿Oĩpa ñane kongregasiónpe ermáno ijedáma térã hasykatúva? Oimérõ upéicha, ¿mbaʼére piko nañainvitái chupekuéra ojapo hag̃ua ñanendive estúdio vívliko? Pe ermána térã ermáno ndaikatúiramo osẽ hógagui, ikatu voi jaraha ñane estudiántepe upépe jastudia hag̃ua. Oĩramo peteĩ maranduhára hasýva, sapyʼánte ikatu ñainvita chupe opredikaʼimi térã ojapo hag̃ua ñanendive peteĩ térã mokõi rrevisíta. Umi maranduhára ijedámava ningo heta áñorema opredika, upéicha rupi heta mbaʼe ñaaprendéta ñasẽrõ hendivekuéra (Rom. 1:12). Jehová katuete ñanevendesíta ñañehaʼã haguére ñamokyreʼỹ ñane ermanokuéra jahayhuetévape (Prov. 19:17; 1 Juan 3:17, 18).