Eñembokatupyryvékena: eikuaákena mbaʼéichapa embohováita umi neñeʼẽjokóvape

Mbaʼérepa iñimportánte. Ñamoĩ chupe reikuaaha og̃uahẽmbotaitemaha peteĩ torménta ndevaipa jepéva ha hetaiterei hénte ikatuha omano ndoikéiramo peteĩ lugár isegurovehápe. Upémarõ eho ne vesíno rógape reavisa hag̃ua chupe, péro erepa mboyve, haʼe neñeʼẽjoko ha heʼi: “Koʼág̃a cherembiapoiterei hína”. ¿Mbaʼépa rejapóta? ¿Resẽtantemapa reho? ¡Katuete nderejapomoʼãi upéva! Upéicha avei oiko koʼág̃arupi, heta hénte noñatendeséi ñanderehe ndoikuaáigui pe mensáhe jagueraháva ikatuha osalva chupekuéra. Térã ñag̃uahẽ jave peteĩ ógape, kavalete pe ogajára ojepyʼapyeterei peteĩ mbaʼére ha upévare nañanerenduséi (Mat. 24:37-39). Oĩ avei nañanderresiviséiva oñeñeʼẽ vai rupi chupekuéra umi Testígore, ỹrõ oimoʼãgui ñane rrelihión haʼeha umi ótro rrelihión japúichante avei (Mat. 11:18, 19; 2 Ped. 2:1, 2). Upéicha rupi, umi hénte nañanerenduséiramo jepe ñepyrũrã, ani ñañentrega pyaʼeterei.