Jajoayhúkena ñande pyʼaite guive

1. Ne ermánope ehayhu

pe ne ñeʼã rugua guive,

ndepojeráke hendive,

eipytyvõ chupe.

Ekonsolami avei

haʼe oñembyasy jave,

péva Jehová ohechapa

ha oguerohory.

Mborayhu añetete

ne korasõite guive tosẽ,

nembaʼeporã vaʼerã

ha ikatúva rejapo.

Emeʼẽke ne mborayhu,

enterove eipojopy.

Eperdona nde rapicha

ha ani nderesarái:

jajavy enterove.

2. Ohayhúva pe hapicha

oporoperdonakuaa,

enterovépe omombaʼe,

torýpe oñeʼẽ.

Pe amígo tuicha mbaʼe;

nepytyvõ ha nderayhu,

mbaʼeporãgui henyhẽ,

nde ykérehe oĩ.

Ani neñeʼẽ pohýi,

cháke péicha pe nde rapicha

ikatu oñembyasy

ha nde káusa ikangy.

Jajoayhúke enterove,

ñaimembaite oñondive,

mbaʼeporãme jaikove,

ha upéicha jasegi

Ñandejára mborayhu.