Leksión 1

Eipuru peteĩ introduksión iñinteresánteva

Hechos 17:22

MBAʼÉPA HEʼISE: Ne introduksión oipytyvõ vaʼerã umi nerendúvape ohenduséma hag̃ua umi mbaʼe erétava. Avei ohechaukáma vaʼerã mbaʼe rehepa reñeʼẽta ha mbaʼéichapa ideprovéchota chupekuéra.

MBAʼÉICHAPA IKATU REJAPO

Oñehenduse vaʼerã la erétava. Upearã ikatu reipuru peteĩ porandu, emombeʼu peteĩ experiénsia térã ere peteĩ notísia ointeresátava umi nerendúvape.

Eñehaʼã vaʼerã repensa mbaʼépa ointeresa ha oipyʼapy hína umi nerendúvape, ha ikatu reipuru umíva rejapo hag̃ua ne introduksión.
Oñentende vaʼerã mbaʼe rehepa reñeʼẽta. Ne introduksiónpe ojekuaa porãma vaʼerã mbaʼe rehepa reñeʼẽta ha mbaʼépa rehupytyse.
Ehechauka mbaʼérepa iñimportánte pe erétava. Eprepara porã vaʼerã umi mbaʼe erétava ikatu hag̃uáicha ideprovécho umi nerendútavape. Haʼekuéra ohechakuaa vaʼerã umi mbaʼe erétava ideprovechotaha chupekuéra.

Eprepara jave peteĩ diskúrso ikatu eñeporandu: “¿Mbaʼépa ombohovái hína umi ermáno ha ermána oĩva che kongregasiónpe?”. Ha reipuru upéva rejapo hag̃ua ne introduksión.