ÑAÑEPYRŨ HAG̃UA ÑAÑEMONGETA
LEKSIÓN 2
Eñeʼẽ reñemongetarõguáicha ne amígondi
Téxto bíblico: “Igustoite peteĩ persóna oikuaáramo la heʼi vaʼerã oñekotevẽve jave” (Prov. 15:23).
¿Mbaʼépa ojapo vaʼekue Felipe?
1. Ehecha pe VIDÉO, térã elee Hechos 8:30, 31. Upe rire erresponde koʼã porandu:
¿Mbaʼépa heʼi Felipe oñepyrũ hag̃ua oñemongeta pe kuimbaʼe ndive?
¿Mbaʼéichapa upéva oipytyvõ chupe omboʼe hag̃ua pe kuimbaʼépe álgo ipyahúva?
¿Mbaʼépa ñaaprende Felípegui?
2. Ñañeʼẽramo ñañemongetarõguáicha peteĩ ñane amígondi, pe persóna ikatu itrankilove ha osegi oñemongeta ñanendive.
Jasegíkena Felipe ehémplo
3. Ñañatende umi detállere. Heta mbaʼe ikatu japilla ñañatendéramo pe persóna rováre térã umi hésto ojapóvare. ¿Ojekuaápa oñemongetaseha ñanendive? Ñañepyrũ hag̃ua ñañemongeta la Bíbliare ikatúnte jaʼe, por ehémplo: “¿Ndépa reikuaa raʼe Ñandejára ojepyʼapyha ñanderehe?”. Japilláramo pe persóna noñemongetaseiha ñanendive jahejánte ótra vueltarã.
4. Ñanepasiénsia vaʼerã. Ani ñapensa ñañepyrũrema voi ñañemongeta vaʼerãha la Bíbliare. Ñanepasiénsia ha ñahaʼarõnte vaʼerã peteĩ oportunida ijáramo japredika hag̃ua chupe. Sapyʼánte ikatu voi ótra vuéltape opyta porãve ñañeʼẽ chupe la Bíbliare.
5. Jajadapta umi héntere. Ikatu oime japreparáma raʼe peteĩ téma bíblico ñakomparti hag̃ua, péro pe persóna oñepyrũ oñeʼẽ ótra kosaitére. Upéicha jave ñakambiaʼimínte vaʼerã ha ñañeʼẽ hendive upe téma ogustávare chupe.