5. Kaikyukutri Kuamikyukutri Wesruikpe, Tius Latrø Nuik Keta Tranik Køn

1 KAIKYUKUTRI WESRAILØ KØMIK MAYELAN PALAPIK KØN

“Tru Møg Misra Arrubikken [...] nø kwaitøga truba nu misagwan purøbagarawa, kaigyugurri wesranrrappa arrig køn” (Mateo 20:28).

¿Kaikyukutri kuamikyukutri wesrailø kømik namun chincha palaira?

• Génesis 3:17-19

  Adán mørmuikkutrintø, Jeupapa tap lincha pasraikwan trupisha yantø sølkantik kømuik køn incha Edényukutri wepusrik køn.

• Romanos 5:12

  Adánkutrintø namun kuamikpa kaik marikpa puik køn.

• Efesios 1:7

  Jeupape nui Nusrkai kuaiktøka, misakmeran kaikyukutri kuamikyukutri wesrailø køntrai intik køn.

2 KAIKYUKUTRI WESRANTRAI JEUPA TAMARA PASRIK KØN

“Tius [...] nui kandø Nusrkawan yu piraumay øra, nøgurri nam srøig øsig kømigwan tøgagønrrai” (1 Juan 4:9).

¿Kaikyukutri kuamikyukutri wesrailø køntraimpe Jeupa chi marik kø?

• Salmo 49:7, 8

  Adán nui sølkantø øsik unikwan trupisaikkutri, misakmeratøwaimpe kaikyukutri kuamikyukutri wesrantrap kaimaik køn.

• Lucas 1:35

  Jeupape nui untaraik Nusrkawan yu Piraumay øra, sølkantik møk misra kal-lantrai tranik køn.

• Romanos 3:23, 24; Hebreos 9:24

  Jesús kuawa kutra srømpalasrømay katøle nepiaik køn, truyu nui sølkantø øsik unikwan yu Pirau tranikwan Jeupawai metrap kenamarik køn, misakmeran kaikyukutri kuamikyukutri wesrailø køntrai.

3 KAIKYUKUTRI WESRUIKPE NAMUN TAPIKWAN MUNIK TØKAKØNTRAI PURUKUPIK KØN

“Nøbe nømui kappimeran kerrigu pinømørtrun cha. Inchen yandø kwamig [...] kawein kønrrun” (Apocalipsis 21:4).

¿Kaikyukutri kuamikyukutri wesruikpe namun mantø purukupik kø?

• 1 Juan 1:8, 9

  Namui kaik marilan ulø paymø pesannantrun.

• Hebreos 9:13, 14

  Jeupa asikwan namui isup kepatikpe chish pasrøntrun.

• Romanos 6:23

  Nam manakatik øsik waramik.

• Gálatas 2:20

  Kaikyukutri kuamikyukutri wesrua keta tranikpe Jeupa Jesúspape namun cierton untakelø kui kenamaran.

4 KAIKYUKUTRI WESRUIMPURØ UNKUA CHIP PØNTRØKUN

“Tiusbe [...] nui kandø Nusrkawanguen tranig køn cha, møikkøben nun kørebiibe [...] managatig øsig kømigwan tøgagønrrain cha” (Juan 3:16).

¿Kaikyukutri kuamikyukutri wesrua keta tranimpurø Tiuswan mantø unkua chintrap?

• Juan 17:3

  Jeupawan Jesúswankucha tap nepua ash, nøm mailø kui ñi trektøwai mar.

• Lucas 22:19

  Pilamørik Jesús Kuaikwan Isuntrap tuluntsunik yamay intrø.

• Juan 3:36; Santiago 2:26

  Wamtøkatø Jesúswan kørepik kur chimøta, masken nø maik kusrenanikwan ñui øsik uninuk mar.