6. ¿Nam Kuaikkutrimpe Chi Puraintrera?
1 NAM KUAPEN ØSIK UNIK PATSAPIK KØN
“Kuapeløpe chikucha isumelø waramisran” (Eclesiastés 9:5).
¿Nam kuaikkutrimpe chi puraintrera?
Salmo 146:3, 4; Eclesiastés 9:6, 10
Nam kuapen yantø ashmøwai, mørmøwai, isumelø køntrun.
-
Jesús kusrenanik køn kuapelø kip lataitø waran cha.
2 MISAKMERA KUANTRAIMPE JEUPA MANAKEN ISUMUIK KØN
“Tabigwanba, kaigwanba nebua asamburab asam tusryu mamigwane manrrab kømø cha, kaguende tru tusryuigwan ñi mab kwalømbe isa kømø, ñibe kwanrrab [køn]— cha” (Génesis 2:17).
¿Namun chincha kuamik puik kø?
Génesis 3:1-6
Tius maik karuikwan mørmuikkutri chi puntrapikwan Evan Satanás eshkaikpe isa kuik køn. Adán Evapa Tiuswan mørmuikkutri kaikyu kepeña srapepe kuamik puik køn.
Génesis 3:19
Adán kuapen nui øsik unik patsik køn.
-
Srøtø møskaløpe latrø trømpøik kuantrø lataikwan purøørik køn, kaik marikpe øyeek lataik køn. Nam kal-laikkutri sølkantelø kømuik køppe namun kuamik nepun.
-
Biblia eshkapik køn kuamikpe kan misak pinishintrap tsalø ashipik lataik køn.
3 KUAMIKWAIMPURØ CIERTONIKPE NAMUN ELATSIK KØNTRAI PURUKUPIK KØN
“Kan møk [...] kuapene, ¿katøle øsirantrauta?” (Job 14:14).
¿Nampe kuamikwaimpurø ciertonikwan nepua ashen, chi isa wamintiløyukutri tarømarøpik kø?
-
Infiernoyumay ampan cha kusrenanikpe Jeupawan pusrkuankarupik køn. Tiuspe namun øyeek trømpøikpe manaken marmíik køn.
Apocalipsis 4:11
Nøtrø misakmerape kuapelan kørik kui mørikkutri nømun tømpasra miap pøntran, Jeupawan kømø. Jeupa ciertonik Tius køn, nuntø tømpasra miamik køn, katøkane kaaken.