¿Pornografían asamik kape cibersexon maramik kalø kø chintera?

Biblia chi taikwan

Bibliape pornografíaimpurap kape cibersexoimpurap eshkamuinkucha, Bibliape tør kenamaran, tru Tius trømpøik marilan kalø ashipik kui inchippa kan misak ilan marene sexoimpurap trømpøik marilan kalø kømui aship kape nui srai nui kek kømikpa waramisrtrun. Biblia maik taikwan ash:

• Colosenses 3:5 trenchipik køn tru trømpøik martrai isunkarupelane ketramik køn cha. Inchentø pornografíape tru trømpøik isuilane ketramøtø masken mas trømpøik isuntrai marøpik køn. Pornografían elachimø ashene Jeupawai kapyupe latrø chillikelø køntrun.

• Mateo 5:28 trenchipik køn: “Møikkøben kan ishuwan trømbøig martrab isub chull ashibiibe nui manrraube yandø chabguen itølulig lataig kørrømisran cha”. Inchawai tru trømpøik marilan ashene namui isupiku trektøwai martrai lataik marøpik køn.

• Efesios 5:3 Cristoi wentautø ampupelan trenchipik køn: “Ñimbe ñimui utube, møgueløba, ishumburmeraba chigøben trømbøig maramigwanba, katø chinetø køsøngønrrapteelanba, katø chiwandøgucha ke chinchimmørø inchib parø indamigwanba, øyeelane mørøguen wamincha mørmumig køn [cha]”. Trømpøik marilan wamintikpe kalø kuik køpene trektøwai trømpøik marilan aship kape trupurap lep intikkucha kalø køn.

• “Inchawei asr maig marøg kui inchen treeg mariiløbe tørgandø asamdiig øyeelø køn: møgueløba, ishumburmeraba trømbøig mariilø, køsøngønrraptiig mariilø, maramburab trømbøig mariilø [...]. Katøgan øyeeg latailan nabe ñimun treeg marøb kømønrrai kanmaytø waminchar, marigwansrø waminchib lataitøwei. Inchen øyeelan marøbeløbe Tius nø ashib karub waigwan utamibe chi kaanrrun” (Gálatas 5:19-21). Pornografía ashipelan lataitøwai tru cibersexo, sexo celularpurap kape sexteowan marøpelankucha Tiuspe køsøn kui ashipik køn. Inchawai ilan elachimø marene Tiuswainukkutri mas tarømisrtrun.