Carmelo tunsrø Jeupa Marampurap Marøpik kui kenamarik køn

Israelsrø diez tribusyu latrø kailø yam aship karup putrapelai utu, Acab más latrø kaik kuik køn, kakentø kan kaik ishuk Jezabel munchi taik Baalwan adorapikpa kasharaikkutri. Nøm pailø misra yam misakmeran Baalwan adorantrai marøp, Jeupa maik karuilan eshkapelankucha latrø nu kuetsik køn. ¿Jeupa chi marik kø? Acabpa waminchai Tiuswaiwan eshkapik Elíaswan ørik køn.

Elíaspe Acabwan trentaik køn: “Pøn pila lutau sre pumøntrun, kakentø latrø nu kalø marøp pasrapik kuikkutri”. Treekkutri ellmarilø misrmupen, misakmerape latrø nu parø puraampik køn. Trukutri, Jeupape katøle Elíaswan Acabpa waminchai øren, Acabpe trentaik køn: “Ñikutrintø øyeek pup pasran cha”. Elíaspe trentaik køn: “Sre pumuppe nakutrin kømøn, ñi Baalwan adorapik kuikkutrin køn cha”. Inchawai misakmeranpa, Baalwai profetasmeranpa Carmelo tunsrø tuluntsuninkarua, kan prueba martrap cha eshkaik køn.

Inchen misakmerape tru tunsrø chap tuluntsunøpen Elíaspe trentaik køn: “Møimpe ñim chi maramikwan asamik køn, tru Jeupa ciertonik Tius køpene nun møra martrikay, inchentø Baal ciertonik tius køpene nun møra martrikay cha. Inchawai 450 Baalwai profetasmeran nømui tiuswan chi tranamikwan tamaray taik køn, incha nun wamøntrikay cha, nakucha Jeupawayasik chi tranamikwan tamara nun wamøntrap cha. Inchen kan tius nak køtraatrinkarupene, tru Tiuspe ciertonik køntrun cha”. Misakmerape treek marik køn.

Inchen Baalwai profetasmerape, nømui tiuswan keta tranamikwan chap tamara, mawa ørøpa “¡Au Baal løtøtra chip!” wamap kuik køn, inchentø Baalpe løtømupen Elíaspe intsa asha trentaik køn: “Mur wamap trasay. Inchippape kip tsuin køpkun cha”. Yantø yem misrøp pasrøpen, katøkucha Baalwai profetasmerape wamap køpen mukucha løtømuik køn.

Inchen Elíaspe, altar pala Jeupawan keta tranamikwan pasra, nu pi itølusha Jeupawan trentaik køn: “Nai Jeupa, misakmera yu pøntrapelan ñi cierton Tius kui kenamar cha”. Inchen tru urastø Jeupawai nak køtraatrua tru nun keta tranilan chishtø patren, misakmerape traship trentaik køn: “¡Jeupape ciertonik Tius køn cha!”. Elíaspe trentaik køn: “Baalwai profetasmeran kanken lulpashmøtay cha”. Tru kualøm, 450 Baalwai profetasmeran kuetsik køn.

Trukutri mar pala kan wañi kenamisren, Elíaspe Acabwan trentaik køn: “Latrø mur sre puntrap køn, ñui karruyu nepia yamay intrø cha”. Inchen srømpalasrømpe yalø wañimeratø netsapen, latrø mur isik ichip sre atrup mentøpen, ellmariløpe tammisrik køn. Inchen Acabpe nui karruyu nepia latrø mur ipen, Jeupape Elíaswan karru lataken kømø, más malla lultrai purukuik køn. Inchen, ¿Elíaswai mur kualømmerape patsik kø chintera? Trupurap ashchap.