KUSRENANIK 47
Jeupape Elíaswan mur pasrøntrai purukuik køn
Baalwai profetasmeran chi purayaikwan Jezabel wammørape, latrø trømpøik nama kan wam purø kuchipikwan Elíaswan trenchintrai ørik køn: “Srønape Baalwai profetasmera latawai kuain tsuntrun cha”. Elíaspe kørik kui møra, mu misak waraimøsrø trupap lula, Jeupawan trentaik køn: “Más awentantrap kaimar, kuamtik køtan cha”. Elíaspe latrø muraaraik, kan tusr umpu kip tsumisrik køn.
Inchen kan ángel Elíaswan kasrønana latrø tap wamtøka trentaik køn: “Kutra, ma cha”. Inchen, Elíaspe sruk pala pitri srø karikpa, kan pi ulletapa pøntraik ashape kusrua, ma, piwan mucha, katøle kip tsumisrik køn. Inchen ángelpe katøle kia kasrinkarua: “Ma taik køn, mur pasrøntrap kakentø latrø yap yamik kuikkutri”. Inchawai, Elíaspe katøkuchi ma, 40 kualømmera, 40 yemmera Horeb tunsrønkatik yaik køn. Truyu puape, kan trapyu kintrap kepipen, Jeupape trentaik køn: “¿Elías yupe chinchip waku?”. Inchen Elíaspe trencha løtik køn: “Israelitasmerape ñi maik karuikwan eshkapelan kuetsampa, ñui altarmeran pøtitsampa, ñun chi martrap misrilane marmøn cha, nape natøchiktø øsik køtrømisra pasrøpen, nankucha kuetchap inchip køtan cha”.
Inchen Jeupape Elíaswan trentaik køn: “Wepatrua tun pala pasramisr cha”. Trukutri latrø mur isik ichip, pirø kønap, nak wepatrupen, Elíaspe kan wam latrø tsøntachik wamintik mørape, nui kewa kuitøka maløwan pinøpula wampik pasramisrik køn. Inchen Jeupape paik køn chintimpa Israelsrønkutri wepatruku cha. Nøpe trencha løtik køn: “Natøchiktø øsik køtrømisra pasrar cha”. Jeupape trencha løtik køn: “Ñitø pasrømøn, kakentø katøkucha 7.000 misakmera nan adorapelø køn. Inchawai intrø taik køn, Eliseowan naimpurap eshkapik køntrai lawa wesrur chintrik cha, ñui wentau pasrøntrai”. Tru urastø Elíaspe Jeupa maik karuikwan martrap yaik køn. Jeupa maik karuikwan ñi møra marene, ¿ñun trektøwai purukuntrap kui kørepik køtitru? Øø, purukuntrun. Latrø mur kuarø utu chi purayaikwan ashkun.
“Ke ka yandø chinsraatø inchib, ke chab pureb kui lataig inchimøtay. Masken treeg inchimøtø, chiyutøgucha Tiuswei merrab, ‘øyeeg palai melerʼ chib, nøba waminchib, ‘øyeeg purugurrunrrigʼ chib miamig køn, trurrigu ‘ungwa, ungwaʼ chib” (Filipenses 4:6).