13. Øsik Køntrai Keta Tranikwan Mintishimø Untaram Kusremik Køn

1 ØSIK KØNTRAI KETA TRANIKWAN MINTISHIMØ UNTARAM KUSREMIK KØN

“[Jeupa] Ñuinukkutrintø øsik kømik atrupik køn” (Salmo 36:9).

¿Øsik køntrai keta tranikwan mintishimø untarapelø kui mantø kenamartrap?

Hechos 17:28; Apocalipsis 4:11

Jeupape øsik køntrai latrø tapchik keta tranik køn, truikwan untaram kusremik køn.
Éxodo 21:22, 23; Deuteronomio 5:17

Munkøpen kuetsinuk, lutø kutsinuk latrø trømpøik køn.
1 Juan 3:11, 12, 15

Munkucha tsalø ashmumik køn.
2 Corintios 7:1

Køntsø mutsinuk, chiwankøpen trømpøikwan kesrømumik køn.
Salmo 11:5

Latrø trømpøik kuayap eshekailan, namiktøka kuetchip kenamarøpikwan ashmumik køn.

“Inchendø yau animbaigwan aniwan lusøskaimíigwane mamønrrigay cha, kaguende øsig kømibe aniyuweim pasran cha” (Génesis 9:4).

¿Tiuspe aniwanpa øsik kømikwanpa maik ashipik kø?

Génesis 4:10; Deuteronomio 12:23

Øsik kømikpe aniyuwaim pasran.
Génesis 9:3, 4

Yauwan ka mamik køn, inchentø animpaikwane mamumik køn.
Hechos 15:28, 29; 21:25

Tiuspe aniwan mamøtay cha karuikpe asønkarupik køn, mø marik yaupe katøkan misakwai aniwane pasrtrai karumuik køn.
Hebreos 11:6

Namuyasik Jeupapa tap lintikpe mas latrø nuik kui ashipelø ker.

“Jesucristoi animbe chigurrimbunø namui kaig marigwan chish maran” (1 Juan 1:7).

¿Jesús ani lusha kuaimpurø nampe chi tapik utap kø?

Levítico 17:11

Metrapsrø israelitasmerape nømui kalø marilan Jeupa ulø paymøntraimpe, ushamerayukutri kan sruayamik kuik køn. Inchen sacerdotepe truikwan kuetcha aniwan altar pala tøpø lushipik kuik køn.
Mateo 20:28; Hebreos 9:11-14

Namui kaik marikwan pesannailø køntrai Jesús øsik uña ani lusikwan tranik køn. Jesús kuaikkutri maik Maramikwan Martrai Karua Pasrapikwane ushameran kuetsamikpe yantø palømuik køn.
Juan 3:16

Jesuswai øsik unikpe latrø nuwayik køn. Jesús kuawa tranimpurø Jeupape nui Nusrkawan kørepelane manakatik øsik waramik utøntrai tranik køn.