PƆSƐ SƆSEGA
ZASEŊƆ 6
Da Zɔta Dabeem
Naresum Yele: ‘Naayinɛ daa soŋɛ to mɛ ti to tiregɛ nyɛ sukpe’ene ta’an tɔɣɛ Naayinɛ yelesoma la bo ya.’—1 Tes. 2:2.
Yezu N Yuun Eŋɛ De Se’em
1. Bisɛ VIDIYO la bii kaalɛ Luke 19:1-7 ge nyaa geele soke ana wa:
Beni n sɔi ti nɛreba basɛba yuun kan bɔta ti ba lɛna Zakaeus?
Bem n yuun basɛ ti Yezu mɔɔlɛ yelesoma la bo en?
To Zamesɛ La Bem Yezu Zɛ’an?
2. To san bɔta ti to mɔɔla yelesoma la bɔ’ɔra nɛra woo, la ka nari ti to zɔta dabeem.
Tɔɣesa Yezu
3. Dekɛ homea delum Yehowa. Naayinɛ vo’osum la n yuun bo Yezu paŋa ti a mɔɔla. Vo’osum la me ta’an bo ho paŋa. (Mt. 10:19, 20; Lu. 4:18) Dabeem san tara hɔ ti ho mɔɔlɛ bo nɛreba basɛba, zusɛ Yehowa ti a soŋɛ hɔ ti ho da zɔta dabeem.—Tm. 4:29.
4. Da gãsera nɛreba. Nɛreba basɛba nɛŋa n ani se’em, ban tari lɔɣɔrɔ se’em, ba sareŋɔ bii ba pu’usegɔ yɛla ta’an basɛ ti to zɔta ti to tɔɣɛ bo ba ge tɛ̃ra ti:
Yehowa la Yezu ma’a n mi sɛla n boi nɛra suuren ge tomam ka mi.
Nɛra ka boi ti Yehowa kan ta’an soŋɛ en.
5. Da zɔta dabeem ge bɔ’ɔra gilema ge me bisa homea soŋa. (Mt. 10:16) Da ŋmɛ’ɛra nɔkpe’ene. Nɛra la san ka bɔta ti a kelese yelesoma la bii ho bisɛ ti dɛŋa ta’an paɛ hɔ, ki’ilum sɔsega la gilema sore poan.—Mag. 17:14.