Tara Yelese’a N Boi Bible Teach Gɔŋɔ La Poan La Pa’ala Soŋa

Baabule zamesegɔ daana la san zamesɛ baŋɛ Baabule la n sirum pa’alɛ sɛla la ge dekɛ a tum tuuma, a wan bi vo’osum poan ge me tara hala soma (Yoom 1:1-3) To wan ta’an soŋɛ to Baabule zamesegɔ daana la ti a nyɛ nɛŋa tɔlega a san tara yelese’a n boi Bible Teach gɔŋɔ la poan la tuna tuuma a vom poan.

Pɔsega Sokere: Zuo woo pɔseri la sokere n tari lebesego zaseŋɔ la poan. Ho ta’an soke en sɛla ti ya wan zamesɛ pooren la ti la bɔna a puti’irɛ poan bii ho yele en ti a pa’alɛ gi’a gi’a eŋa n bɔkɛ sokere la se’em. A san tɔɣɛ nyɔsegɛ, la ka nari ti ho kɔ’ɔn demese en bilam bilam. Eŋa n wan pa’alɛ se’em la wan basɛ ti ho mina sɛla n nari ti ho maasum.​—Maga. 16:23; 18:13.

Yeletigesego Bɔberɛ: Zamesegɔ daana la san bɔkɛ ge nam sɛla n boi gulesegɔ la poan la, ho ta’an kpemese a giila ge basɛ ti a mea kaalɛ yeletigesego bɔberɛ la. Bala wan basɛ ti ho ta’an dekɛ tɛm fii wa pa’alɛ en ti a bɔkɛ soŋa zamesegɔ sɛka n taɣelɛ la. Ge la san dɛna la sɛla n wan ta’an tara nyuurɔ bɔ’ɔra en, ho ta’an ma’a homea kaalɛ yeletigesego bɔberɛ woo ge soke en sɛla ti ho maasum la ti a bɔkɛ.