Basɛ Ti Ho Pa’alegɔ Ana Naana

Yezu N Yuun Eŋɛ De Se’em

VIDIYO: Yezu Pa’alɛ To La To Sɔ La N Fabeli To Yele Se’em

1. Bisɛ VIDIYO la bii kaalɛ Matu 6:​25-27 ge nyaa geele soke ana wa:

1. Sodeni poan ti Yezu yuun pa’alɛ Yehowa n fabeli to yele se’em?

2. Yezu yuun mi niisi yɛla zo’e zo’e mɛ ge a yuun tɔɣɛ ba yele la wani ti la ana naana? Beni n sɔi ti a pa’alegɔ la yuun kɛ̃’ɛra suure?

To Zamesɛ La Bem Yezu Zɛ’an?

2. To san basɛ ti to pa’alegɔ la ana naana, la wan kɛ̃ nɛreba suure ge ti ba tɛ̃ra ton pa’alɛ ba sɛla la.

Tɔɣesa Yezu

3. Da tɔɣera zɔ’ɔra. Da tɔɣera sɛla woo ti ho mina yele la poan ge basɛ ti ho puti’irɛ bɔna sɛla ti ya zamesa gɔŋɔ la poan. Ho san soke ho zamesegɔdaana la sɛla, ma’ɛ homea gura ti a lebese ho. A san ka mina lebesego la bii a tɔɣɛ la sɛla n ka makɛ la Baabule la pa’alegɔ, le soke en yɛla n wan basɛ ti a ta’an ti’isɛ yele la soŋa. Zamesegɔdaana la san bɔkɛ yelekpine la, tɔ̃kɛ zamesegɔ la.

4. Soŋɛ ho zamesegɔdaana la ti a baŋɛ yelese’a ti a puɣum mina la n makɛ la yelepaala se’em. Makerɛ, ya san yeti ya zamesɛ kum isigere yele la, ho ta’an te’ele tɔɣɛ gi’a gi’a tĩɛ ho zamesegɔdaana la ti a tɛ̃ra nɛra n ni ki ana se’em.

5. Tara maɣesa pa’ala soŋa. Ge ti ho nyaa bo makerɛ, soke homea yeti:

1. a. ‘Makerɛ wa ani naana?’

2. b. ‘Mam zamesegɔdaana la wan bɔkɛ makerɛ wa vuurɛ?’

3. d. ‘Makerɛ wa wan soŋɛ mam zamesegɔdaana la ti a tɛ̃ra yelekpine la ge daɣɛ makerɛ la ma’a?’