To Tari Yɔ’ɔ Ti To Mɛta Ge Maala To Pu’usegɔ Zɛ’ɛsi Se’em

Israel pu’usegɔ deo la yuun dela ba mɔregɛ dekɛ ligeri zo’e zo’e maalɛ. Israeldoma la yuun kɔ’ɔn mɔ’ɛ nini mɛ tum tuunɛ la. (1Ye 29:2-9; 2Ye 6:7, 8) Ba yuun mɛ pu’usegɔ deo la ba’asɛ la, Israeldoma la yuun san maala ku soŋa la wan pa’alɛ la ba bi vo’osum poan se’em. (2Na 22:3-6; 2Ye 28:24; 29:3) Zina beere wa, Kristakɔma me iti la ania mɛta, duusa ge maala Na’am Pu’usegɔ Deto la Laɣesegɔ Deto. Ge la dela yɔ’ɔ bo to, to naɛ la Yehowa tuna tuulum tuuma la.​—Ym 127:1; Lil 7:15.

TO TA’AN LAƔUM . . .

• 

  Piisa to san ba’asɛ zamesegɔ woo. Ho san kan ta’an laɣum piisɛ, soso pĩ’ise ho zi’irego zɛ’an sɔɣerɔ la.

• 

  Duusa ge maala Na’am Pu’usegɔ Deo la. Nɛreba zo’e zo’e san laɣum tuna, la ni dɛna la pupeelum ge ti tuunɛ la me kan tibegɛ.​—lv-E gɔn. 92-93 kz. 18.

• 

  Tara ligeri soŋera. Hali to san yese to suure poan dekɛ ‘ligekɔ̃ba ayi n ka seke sɛla’ bo, Yehowa puurɛ wan pee.​—Mr 12:41-44.

• 

  Soŋera ti ba mɛta ge maala tiokrasi zɛ’ɛsi, to san tara yɔ’ɔ. La daɣɛ ti to mina mɛa tuuma ge laɣum tum.