NAAYINƐ TUULUM YƐLA | YOB 6-10
Tontɔɔ Nɛra Yob Yuun Tɔɣɛ Sɛla N Daani En Yele Mɛ
Yob deodoma basɛba yuun n ki ge ti bãyaalega nyɔkɛ en ti a suure sa’am la, a yuun kelum tara sakerɛ mɛ. Bala zuo, Sitaana yuun tiregeri mɛ ti a kɔ’ɔsɛ a giila ti a basɛ a birikinte la. Ti a “zɔdoma” batã wa’an a zɛ’an na yeen ita ti nɛreba nyɛ ti ba tari la a ninbaalega. Ba zi’ire Yob zɛ’an dabesa ayopɔi ge ka lakɛ nɔɔrɛ buɣelɛ a suure. Ba yuun tɔɣɛ la yetɔɣepɔ̃’ɔsa ge zɛregera en.
Yob yuun tari yelemɛŋɛrɛ mɛ bɔ’ɔra Yehowa hali la a gurebisɛ la poan
Yob suure n yuun ba’a sa’am gaŋɛ la n sɔi ti a yuun ti’isera be’em la. Yuun kɔ’ɛ a puti’irɛ ti Naayinɛ ka fabeli bɔ’ɔra eŋa n kelum tara sakerɛ la
Yob giila n yuun kɔ’ɔsɛ la zuo, ka ti’isɛ yelese’a me n wan ta’an tara namesegɔ wa’an a vom poan na
Hali la yeledaaŋɔ la za’a n yuun paari Yob la, a kelum tɔɣɛ pa’alɛ sɛba n zɛregeri en la eŋa n nɔŋɛ Yehowa se’em