November Poan, To Wan Mɔɔlɛ Naayinɛ Na’am La Yele N Boi De To’ore

Yezu yuun “mɔɔlɛ yelesoma la yɛhera Na’ayenɛ Sɔ’ɔlom la bo teŋse’ehe la me.” (Lu 4:43) A yuun le pa’alɛ nɛreba ti ba zusa ti Na’am la wa’ana. (Mt 6:9, 10) November ŋmarega la poan, to wan basɛ ti nɛreba baŋɛ Naayinɛ Na’am la. (Mt 24:14) Eŋɛ maaseŋɔ ta’an dekɛ homea kɛ̃’ɛsɛ tuunɛ wa poan. Sɛba woo n boti ba tum sore ŋmɛ’a soŋerɛ tuuma la ta’an dekɛ awa 30 bii 50 tum ŋmarekaŋa poan.

Ho ta’an dekɛ gulesegɔ n tɔɣeri Naayinɛ Na’am la yele sɔsɛ la nɛreba zo’e zo’e ho gingilega la poan. Ho san yeti ho dekɛ gulesegɔ tum tuuma, tɛra nɛreba la n tari sakerɛ bɔ’ɔra sɛla. Pɔsega la, nɛra san eŋɛ pa’alɛ ti a boti sɔsega la, dekɛ The Watchtower No. 2 2020 ayima bo en. Tiregɛ eŋɛ lebe ta bisɛ ge loe gɔŋɔ n boi to Pa’alegɔ Lɔɣɔrɔ Daka la poan eŋɛ Baabule zamesegɔ. La kan yue Naayinɛ Na’am la wan sa’am gɔmɛt woo n giiseri en la. (Da 2:44; 1Ko 15:24, 25) Bala la, basɛ ya ti to dekɛ ya yɔ’ɔ wa eŋɛ pa’alɛ ti to kɔ’ɔn pa la Yehowa la a Na’am la poore!