Ni Maasum Ge Nyaa Zamesɛ

To san ni zamesa Baabule la, to ni bɔta la Yehowa yelesum la kɛ̃ to suure. Ezra eŋɛ la makesonɛ yele wa poan. ‘A yuun maasum mɛ ti a zamesɛ Naayinɛ pa’alegɔ la.’ (Ezr. 7:10) To wan eŋa la wani ta’an tɔɣesa Ezra?

Zusɛ. Ho san yeti ho zamesɛ, ni zusɛ ge nyaa zamesɛ. Zusɛ Yehowa ti a soŋɛ hɔ ti ho bɔkɛ hon zamesɛ sɛla la ta’an dekɛ tum tuuma.—Ym. 119:​18, 34.

Siregera homea . Naayinɛ kan soŋɛ nɛresɛba n zɛ̃keri bamea ti ba zamesɛ baŋɛ yelemɛŋɛrɛ la. (Lu. 10:21) Leɣɛ’ɛsa, to ka zameseri Baabule la ti to basɛ ti nɛreba puurɛ pee. To san zamesɛ sɛla ti la nara ti to eŋɛ teere, to sirege tomea eŋɛ bala.

Tiregɛ kɛlesa tansugere la yuuma. To san ni kelese tansugere la yuuma ge zamesɛ, la ni soŋɛ to mɛ ti to puti’irɛ bɔna Yehowa poan. La me wan basɛ ti ton zameseri sɛla la kɛ̃ to suuren.