Ti’isa Nɛreba Yele

Yezu N Yuun Eŋɛ De Se’em

VIDIYO: Yezu N Sɔseri La Pɔka N Ãkeri Ko’om

1. Bisɛ VIDIYO la bii kaalɛ Yon 4:​6-9 ge nyaa geele soke ana wa:

1. Yezu yuun bisɛ nyɛ la bem pɔka la zɛ’an ge nyaa pɔsɛ sɔsega?

2. Yezu yuun yeti: ‘Bo mam ko’om ti n nyu.’ Beni n sɔi ti eŋa n yuun pɔsɛ a sɔsega la se’em la kɛ̃’ɛra suure?

To Zamesɛ La Bem Yezu Zɛ’an?

2. To san pɔsɛ sɔsera yelese’a n pakɛ nɛra la, bala ta’an basɛ ti sɔsega la ana soŋa.

Tɔɣesa Yezu

3. Tɛɛra ho sɔsega la. Da pɛ̃regɛ dekɛ hon kɔ’ɔn maasum sɛla la pɔsɛ sɔsega. Sɔsɛ sɛla ti nɛreba ti’isa de yele. Soke homea yeti:

1. ‘Bem n de yelesaanɛ ti nɛreba tɔɣera de yele?’

2. ‘Mam yikpɛ’ɛsi, n tuuntuneba tadaandoma bii n kilaasi tadaandoma tɔɣeri la bem yɛla?’

4. Bisa yɛla soŋa soŋa. Soke homea yeti:

1. a. ‘Nɛra la boi bim ita la bem? Bem n ta’an bɔna a puti’iren?’

2. b. ‘Nɛra la n yɛ a lɔɣɔrɔ se’em la bii a yire n ani se’em la pa’alɛ mam ti a ze’ele la bɛ bii a sakɛ bo la bem yɛla?’

3. d. ‘La dela sansɛka n nari ti n tɔɣɛ bo nɛra la yoi?’

5. Kɛlesa.

1. Da tɔɣera zɔ’ɔra.

2. Basɛ ti nɛra la tɔɣɛ sɛla n boi a suuren. La san nara, ho ta’an ni soke en sɛla.