Basɛ Ti La Dɛna Sɔsega

Filip N Yuun Eŋɛ De Se’em

VIDIYO: Filip N Mɔɔli Bɔ’ɔra Etiopia Buraa La

1. Bisɛ VIDIYO la bii kaalɛ Tooma 8:​30, 31 ge nyaa geele soke ana wa:

1. Filip yuun eŋɛ la wani ta’an pɔsɛ sɔsega?

2. Beni n sɔi ti eŋa n yuun pɔsɛ a sɔsega la se’em la kɛ̃’ɛra suure ge a yuun eŋɛ la wani ta’an pa’alɛ buraa la yelepaalɛ Gulesegɔ la poan?

To Zamesɛ La Bem Filip Zɛ’an?

2. To san sɔsera la nɛra ge ka kãbela ti to mɔɔlɛ bo en, la wan basɛ ti nɛra la puti’irɛ gã bɔbeyinɛ ge ti a me kelese to sɔsega la soŋa.

Tɔɣesa Filip

3. Bisa yɛla soŋa soŋa. Nɛra nɛŋa n ani se’em bii eŋa n iti se’em la ta’an basɛ ti ho baŋɛ eŋa n de nɛresɛka. Nɛra la boti a sɔsɛ la ho yoi? Ho san bɔta ho tɔɣɛ Baabule yele bo nɛra la, ho ta’an soke en yeti, “Hon mi ti . . . ?” Nɛra la san ka bɔta ti a tɔɣɛ, da pɛ̃regɛ en.

4. Ma’ara homea. Da ti’isa ti la nari ti ho tɔɣɛ sɛla Baabule la poan bilam bilam bo nɛra la. Ma’ɛ homea gura sansɛka n nari ti ho ta’an tɔɣɛ Baabule yɛla bo en. Saŋa ase’a, la ta’an dɛna ti ho lebe daanse’ere daarɛ ge ta’an tɔɣɛ Baabule yele bo nɛra la.

5. Tɛɛra ho sɔsega la. Nɛra la ta’an pɔsɛ tɔɣera yelese’a ti ho ka ti’isɛ ni de yele. Bala la, tɔɣɛ sɛla n wan soŋɛ nɛra la, la san puɣum dɛna ti ho tee hon maasum ni ti ho tɔɣɛ sɛla la.