ZAMESEGƆ YƐLA
Hon Wan Eŋɛ Se’em Tɛ̃ra Baabule Kaalegɔ Zɛ’ɛsi
La tabelɛ kpe’em bo ho ti ho tɛ̃ra Baabule kaalegɔ zɛ’an? La ta’an dɛna gulesegɔ n buɣelɛ ho suure, gulesegɔ n soŋɛ hɔ ti ho basɛ putɛ̃be’ero bii ho boti ho dekɛ soŋɛ la nɛra. (Ym. 119:11, 111) Bisɛ pa’alegɔ ana wa n wan soŋɛ ho se’em ti ho ta’an tɛ̃ra Baabule kaalegɔ zɛ’an.
Dekɛ tag la n boi JW Library® app. la tum tuuma. Yu’ɛ tag ge nyaa gulesɛ yeti “Baabule Kaalegɔ Zɛ’ɛsi Se’a Ti Mam Nɔŋɛ.” Ni gulesɛ Baabule kaalegɔ zɛ’an woo ti ho nɔŋɛ la pa’asɛ bim ta’an tɛ̃ra.
Dekɛ Baabule gulesegɔ la labelɛ zɛsɛka ti ho wan nyɛta. Ho ta’an dekɛ paper gulesɛ Baabule kaalegɔ zɛsɛka ti ho bɔta ti ho tɛ̃ra la ge nyaa dekɛ labelɛ zɛsɛka ti ho wan nyɛta dɛ saŋa woo. Basɛba ni dekɛ labelɛ la ba biseŋa bɔba bii frige. Basɛba me ni ŋmaɛ Baabule gulesegɔ zɛ’an la foote ge ni dekɛ biŋe ba kɔmpiita bii fon poan ti la nyɛta.
Ho ta’an dekɛ kaara tum tuuma. Ho ta’an gulesɛ Baabule kaalegɔ zɛ’an la eŋɛ kaatɛ la bɔberɛ kayima ge le gulesɛ gulesegɔ la mea me eŋɛ bɔberɛ kayima. Nyaa tɔɣɛ yelese’a n boi kaalegɔ zɛ’an la bii ho pa’alɛ lan boi zɛ’an.