Homẹbibiọ Na Adà 14

Klistiani dowhenu tọn lẹ hẹn wẹndagbe Ahọluduta lọ tọn gbayipe kaka yì awà aigba tọn he dẹn hugan lẹ ji. Jesu deanana yé yì fihe yé dona dọyẹwheho te bo gbọn azọ́njiawu dali gọalọna yé nado plọnnu mẹlẹ to ogbè yetọn titi lẹ mẹ. Jehovah na yé adọgbigbo po huhlọn po nado duto homẹkẹn sinsinyẹn ji.

Jesu do numimọ de hia apọsteli Johanu gando gigo Jehovah tọn go. To numimọ devo mẹ, Johanu mọ bọ Ahọluduta olọn tọn gbawhàn Satani tọn bo hẹn gandudu etọn wá opodo. Johanu mọ whenue Jesu jẹ gandu ji taidi Ahọlu bọ gandutọgbẹ́ 144 000 etọn lẹ topọ hẹ ẹ. Johanu sọ mọ bọ aigba blebu lẹzun paladisi de, fihe mẹlẹpo nọ sẹ̀n Jehovah to jijọho po pọninọ po mẹ te.