Nuhe to Jijọ to Aihọn mẹ Lẹ
Yẹdide Fẹnnuwiwa Tọn Nọ Dotukla Ovi Lẹ
Hugan gbede pọ́n, ovi lẹ fọ́n bo to pinpọn yẹdide fẹnnuwiwa tọn he hiọawu lẹ po video danuwiwa tọn lẹ po to Internet ji bẹsọn ovu whenu. Sọgbe hẹ Heinz-Peter Meidinger, he yin azinponọ pipli lẹnunnuyọnẹntọ lẹ tọn de to Allemagne, visunnu he tindo owhe 12 kavi humọ lẹ nọ saba yọ́n lehe yé na dín nọtẹn Internet ji tọn he nọ do danuwiwa he zẹ̀pá lẹ kavi yẹdide fẹnnuwiwa tọn he gblezọn lẹ hia do, po fie yé na mọ onú mọnkọtọn lẹ te po. Dile ovi delẹ tlẹ nọ taidi mẹhe sinyẹn to nukunta bo ma nọ kiya nado pọ́n yẹdide mọnkọtọn lẹ, yẹdide ehelẹ pinpọn nọ dotukla ovi susu bo nọ hẹn yé jọsi. Meidinger dotuhomẹna mẹjitọ lẹ nado nọ tindo ojlo to nuhe tin to ahun ovi yetọn lẹ tọn mẹ po nuhe yé nọ pọ́n to ọdinatẹẹ ji po lẹ mẹ.