Etẹwẹ Biblu Plọn Mí?

Be whẹdida dodo nujọnu tọn na wá tin to aigba ji gbede ya?

Etẹ mì na dọ?

• Mọwẹ

• Lala

• N’ma yọnẹn

Nuhe Biblu dọ

“Yẹn yọnẹn dọ Jehovah na nọ yiavùnlọna agbátọnọ bo na nọ mọdọ owhẹ̀ dodo yin didá na wamọnọ.” (Salmu lẹ 140:12) Ahọluduta Jiwheyẹwhe tọn na hẹn whẹdida dodo wá aigba ji.

Nudevo tẹwẹ mí sọgan plọn sọn Biblu mẹ?

• Jiwheyẹwhe nọ mọ mawadodo he to aihọn lọ mẹ to egbehe lẹ bo na jla yé do.​—Yẹwhehodọtọ 5:8.

• Whẹdida dodo Jiwheyẹwhe tọn na hẹn jijọho po hihọ́ po wá aigba ji.—Isaia 32:16-18.

Be to nukun Jiwheyẹwhe tọn mẹ, akọ̀ de yiaga hú devo wẹ ya?

Mẹdelẹ yise dọ Jiwheyẹwhe nọ dona kavi hodẹ̀do akọ̀ delẹ, bọ mẹdevo lẹ yise dọ aliho dopolọ mẹ wẹ ewọ nọ yinuwa hẹ mẹlẹpo te. Etẹ mì lẹn?

Nuhe Biblu dọ

“Jiwheyẹwhe ma yin mẹnukuntahopọntọ gba, ṣigba to akọta lẹpo mẹ, mẹhe nọ dibusi i bo nọ wà dodo wẹ e nọ kẹalọyi.” (Owalọ lẹ 10:34, 35) To nukun Jiwheyẹwhe tọn mẹ, mẹlẹpo wẹ sọzẹn.

Nudevo tẹwẹ mí sọgan plọn sọn Biblu mẹ?

• Biblu bẹ “wẹndagbe” hẹn na “akọta lẹpo, hẹnnu lẹpo, ogbè lẹpo podọ gbẹtọ lẹpo.”—Osọhia 14:6.