Eyin Ogbẹ̀ Dózin Do We

Di apajlẹ, yọnnu de he nọ yin Sallya to États-Unis, he hẹn nutindo etọn susu bu to jẹhọn-ahizi de whenu dọmọ: “N’ma lẹndọ n’gán nọgbẹ̀ dẹn ba. To whedelẹnu, ogbẹ̀ nọ pé agbọ́ mi.”

Bọ eyin mẹvivẹ mítọn de ka kú lo? Yọnnu de he nọ yin Janice to Australie dọmọ: “Whenue visunnu ṣie awe lẹ kú, ogbẹ̀ dózin do mi. N’vẹ̀ Jiwheyẹwhe dọmọ: ‘Jaale, ahun ṣie ma gán hẹn ba! Saa gbọ ma kú poun bo yì gbọjẹ.’”

Mẹdevo wẹ sunnu de he nọ yin Daniel, he asi etọn doafọgbé. E dọmọ: “Whenue asi ṣie yigbe dọ emi doafọgbé, e taidi dọ ohí de wẹ yè sọ́ ahun mẹ na mi nkọ. Awufiẹsa lọ zindonukọn na osun susu.”

Atọ̀họ̀-Nuhihọ́ lọ Tọn ehe na dọhodo lehe mí gán gbẹ́ duvivi gbẹninọ tọn do ji eyin

• Nuylankan de jọ

• Mẹvivẹ de kú

• Mẹhe yè dà doafọgbé

• A to azọ̀n sinsinyẹn de jẹ

• Gbẹninọ pé agbọ́ we

Amọ́ jẹnukọn whẹ́, nawẹ mí sọgan doakọnna gbọn eyin nuylankan de jọ?