Nulila Lẹ

◼ Owe he na yin zizedonukọnnamẹ to mars: Etẹwẹ Biblu Plọn Mí Taun? Wẹnlatọ lẹ dona tẹnpọn nado bẹ plọnmẹ Biblu de jẹeji to whenuena owe ehe yin didogbonu kavi eyin whétọ lẹ ko tindo owe lọ. Avril po mai po: Ze vọkan Atọ̀họ̀-Nuhihọ́ lọ Tọn po Réveillez-vous! po tọn donukọnnamẹ. To gọyìpọn bibasi na jlodotọ lẹ whenu, dla mẹhe wá Oflin kavi nuwiwa agun lọ tọn devo tẹnmẹ ṣigba he ma ko to awukọndopọ hẹ titobasinanu lọ lẹ pọ́n, bo tẹnpọn nado bẹ plọnmẹ Biblu lẹ jẹeji gbọn owe Etẹwẹ Biblu Plọn Mí Taun? yiyizan dali. Juin: Etẹwẹ Biblu Plọn Mí Taun? Eyin whétọ lẹ ko tindo owe lọ, wẹnlatọ lẹ sọgan ze owe weda 192 tọn depope kavi dehe yin zinzinjẹgbonu jẹnukọnna 1995 donukọnna yé.

◼ Ohanwe yọyọ lọ Jihàn hlan Jehovah dona yin mimá na wẹnlatọ lẹpo tlolo he agun mìtọn mọ ẹn yí. Mì dona jẹ ohàn lọ lẹ yizan ji to opli he na bọdego whenu. Kakajẹ whenue ohanwe yọyọ lọ na tin-to-aimẹ to agun lẹpo mẹ, tito-to-whinnu Opli tọn he nọ tin to Lizọnyizọn Ahọluduta Tọn Mítọn mẹ na nọ bẹ ohàn awe awe hẹn: Tintan na nọ yin didesọn ohanwe yọyọ lọ mẹ bọ awetọ he to glọ̀ndo mẹ lọ na nọ yin didesọn hoho lọ mẹ.

◼ Zinjẹgbonu yọyọ Atọ̀họ̀-Nuhihọ́ lọ Tọn po Réveillez-vous! po tọn dona yin mimá na wẹnlatọ lẹ tlolo he agun mìtọn mọ yé yí, na wẹnlatọ lẹ nido sọgan jẹakọ hẹ nuhe yé bẹhẹn lẹ whẹpo do ze linlinnamẹwe lọ lẹ donukọnnamẹ to sinsẹ̀nzọn kunnudegbe tọn mẹ. Ṣigba, linlinnamẹwe lọ lẹ dona nọ yin zizedonukọnnamẹ to sinsẹ̀nzọn kunnudegbe tọn mẹ bẹsọn osun he tin to yé ji mẹ.

◼ Oflin lọ na yin bibasi to Tlatagbe 30 mars 2010. Ohàn he na yin yiyizan to Oflin lọ whenu lẹ wẹ sọha 8 po 109 po sọn ohanwe yọyọ lọ mẹ, eyin e tin-to-aimẹ to agun mìtọn mẹ. Eyin agun mìtọn tindo opli to Tlatagbe lọ, mì dona dovivẹnu nado diọ opli lọ do azán devo ji to osẹ enẹ mẹ. To fihe agun susu nọ zan Plitẹnhọ Ahọluduta tọn dopolọ te lẹ bọ yè ma sọgan diọ azán na opli de, opli lọ sọgan yin hùzẹdeji. Adà Opli Sinsẹ̀nzọn tọn he yọ́n-na-yizan titengbe na agun mìtọn lẹ sọgan yin tito basina do tito-to-whinnu Opli Sinsẹ̀nzọn tọn he na bọdego mẹ.