Linlin Kunnudegbe Tọn Lẹ

To vivọnu owhe sinsẹ̀nzọn 2009 tọn, po homẹhunhun po wẹ Alahọ Sénégal tọn na linlin jideji plọnmẹ Biblu lẹ tọn po sọha pliwatọ lẹ tọn po to Guinée-Bissao, otò he mẹ gbẹtọ 1 500 000 nọ nọ̀. Madozẹnzẹn sọha pliwatọ lẹ tọn 230 wẹ yin mimọ podọ wẹnlatọ 123 lẹ na linlin plọnmẹ Biblu 418 tọn. Na nugbo tọn, mẹmẹsunnu po mẹmẹyọnnu mítọn he tin to otò ehe mẹ lẹ po yí zohunhun do to dọdai Jesu tọn he tin to Matiu 24:14 mẹ hẹndi.