Linlin Kunnudegbe Tọn Lẹ

Linlin août 2010 tọn dohia dọ nukọnyiyi ayidego tọn yọyọ de wá aimẹ to yẹwhehọluduta-liho to Guinée équatoriale. Yé tindo agayiyi yọyọ wẹnlatọ Ahọluduta lọ tọn 1451, ehe nọtena jideji 12 to kanweko ji hugan madozẹnzẹn owhe he wayi lẹ tọn. Na nugbo tọn, Jehovah ‘to mizọnmizọn dona azọ́n lọ to ojlẹ etọn mẹ’ to filẹpo.—Isa. 60:22.

Wehọmẹvi klasi fọtọ̀n-nukun-atọ̀ntọ Wehọmẹ Azọ́nplọnmẹ Devizọnwiwa tọn lẹ to Cameroun mọ gbedewema yetọn yí to Sẹgbe, 14 novembre 2010. Lehe e yin homẹmiọnnamẹnu nado mọdọ sọha jọja Klistiani he to ojlo dohia nado mọaleyi sọn wehọmẹ yẹwhehọluduta tọn ehe mẹ nado sọgan tindo kọdetọn dagbe dogọ to lizọnyizọn lọ mẹ lẹ tọn fọ́n bo to jijideji do sọ!