Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ lọ Tọn Janvier-Mars

“Be hiẹ lẹndọ angẹli lẹ nọ tindo ojlo to nuhe mí nọ wà lẹ mẹ ya? [Jotẹnna gblọndo.] Pọ́n ohó ayidego tọn he Biblu dọ ehe. [Hia Luku 15:10.] Hosọ ehe dọhodo nuhe Jesu dọ gando lehe angẹli lẹ nọ yinuwado mí ji do go ji.” Ze hosọ he bẹsọn weda 24tọ ji donukọnnamẹ.

***

“Mímẹpo wẹ nọ jlo nado tindo pekọ. Be hiẹ lẹndọ akuẹ wẹ mí dona tindo whẹpo do yin pekọnọ ya? [Jotẹnna gblọndo.] Dopo to mẹhe kàn Biblu lẹ mẹ plọn lehe ewọ sọgan yin pekọnọ to whenue e tindo onú vude do. [Hia Filippinu lẹ 4:11, 12.] Linlinnamẹwe ehe dọhodo aṣli atọ́n he yin mimọ to Biblu mẹ he na gọalọna mí nado tindo pekọ lẹ ji.”

Réveillez-vous! Janvier

“Mẹdelẹ kudeji dọ yise sinsẹ̀n tọn sinai do numọtolanmẹ ji hugan do whẹwhinwhẹ́n he sọgbe hẹ lẹnpọn dagbe ji. Etẹwẹ hiẹ lẹn? [Jotẹnna gblọndo.] Sọgbe hẹ Biblu, yise sinsẹ̀n tọn ma dona yin to wunvi mẹ gba. [Hia 1 Johanu 4:1.] Hosọ he bẹsọn weda 28tọ ji do lehe mí sọgan hẹn ẹn diun dọ yise mítọn sinai do whẹwhinwhẹ́n dolido ji do hia.”

Réveillez-vous! Février

“E taidi dọ mẹsusu dogọ jẹ ojlo tindo ji to obló, azé, po afinyọnnuwiwa po mẹ. Be hiẹ lẹndọ mahẹ tintindo to afinyọnnuwiwa mẹ ma bẹ owù hẹn wẹ ya? [Jotẹnna gblọndo.] Doayi avase he Jiwheyẹwhe na Islaeli hohowhenu tọn ehe go. [Hia Deutelonomi 18:10-12.] Linlinnamẹwe ehe do nuhe Biblu dọ gando afinyọnnuwiwa go hia.”