Wefọ Egbesọ Tọn Ma Nasọ Nọ Yin Dogbapọnna to Opli Sinsẹ̀nzọn Kunnudegbe Tọn lẹ Whenu Ba
To dai, opli sinsẹ̀nzọn kunnudegbe tọn lẹ nọ bẹ hodọdopọ kleun de do wefọ egbesọ tọn ji hẹn eyin e gando lizọnyizọn lọ go. Ṣigba, ehe ko diọ todin. Alọnuwe Dogbapọnna Owe-Wiwe Egbesọegbesọ ma nasọ nọ yin yiyizan na hodọdopọ to opli sinsẹ̀nzọn kunnudegbe tọn lẹ whenu ba. Dile e ko nọ yin do to dai, mẹhe na nọ deanana opli ehe lẹ sọgan nọ yí Biblu, Lizọnyizọn Ahọluduta Tọn Mítọn, owe Mọaleyi, Comment raisonner po owe he gando lizọnyizọn lọ go devo lẹ po zan. Mẹhe yin azọ́ndena nado deanana opli ehe lẹ dona nọ wleawu ganji nado sọgan má nudọnamẹ yọ́n-na-yizan lẹ hẹ mẹhe jei kunnudegbe lẹ. Opli ehe ma dona zẹ̀ nukunwhiwhe 10 yì 15 go, bo tlẹ dona nọ glido taun titengbe eyin opli godo tlolo wẹ e na yin anadena te.