Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Novembre Tọn

“Gbẹtọ lẹ tin to sinsẹ̀n susu mẹ bo nọ sẹ̀n Jiwheyẹwhe to aliho voovo mẹ. Numọtolanmẹ tẹwẹ a lẹndọ Jiwheyẹwhe nọ tindo gando enẹ go? [Jotẹnna gblọndo.] Pọ́n nuhe Jesu plọnmẹ do whẹho ehe ji.” Ze vọkan Atọ̀họ̀-Nuhihọ́ lọ Tọn octobre-décembre tọn dopo na whétọ lọ bo gbadopọnna nudọnamẹ he tin to hóvila tintan glọ to weda 16tọ ji hẹ ẹ bosọ hia, e whè gbau dopo to wefọ he yin dide lẹ mẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Octobre-Décembre

“Be nuyiwa mítọn lẹ sọgan hẹn homẹ Jiwheyẹwhe tọn hùn kavi hẹn ẹn gblehomẹ ya? Mẹdelẹ kudeji dọ mẹde ma sọgan yinuwado Jiwheyẹwhe ji, etẹwẹ hiẹ lẹn? [Jotẹnna gblọndo. Enẹgodo hia Psalm 78:40, 41.] Wefọ ehe dohia dọ Jehovah nọ tindo numọtolanmẹ sisosiso podọ nuhe mí to wiwà nọ duahunmẹna ẹn taun. Ze hosọ he tin to weda 10tọ ji donukọnnamẹ.”

Réveillez-vous! Novembre

“Eyin mí yí sọwhiwhe do pọ́n wẹkẹ lọ ganji, tadona tẹ kọ̀n wẹ e na hẹn mí wá—dọ Mẹdatọ de tin wẹ ya kavi dọ nulẹpo wẹ wá aimẹ gbọn kosọ dali? [Jotẹnna gblọndo.] Pọ́n nuhe dopo to mẹhe kàn Biblu lẹ mẹ dọ to whenue e pọ́n wẹkẹ lọ. [Hia Lomunu lẹ 1:20.] Linlinnamẹwe ehe basi zẹẹmẹ do dodinnanu he lẹnunnuyọnẹntọ lẹ basi do nuvikun gbẹtọ lẹ tọn ji, ehe tá hinhọ́n do whẹho ehe ji.”