Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Décembre Tọn

“To osun ehe mẹ, mẹsusu wẹ to hodọ gando Jesu go. Ṣigba etẹwẹ gandudu Jesu tọn zẹẹmẹdo na we? [Jotẹnna gblọndo.] Pọ́n nuhe hosọ ehe dọ.” Ze vọkan Atọ̀họ̀-Nuhihọ́ lọ Tọn octobre-décembre tọn na whétọ lọ bo gbadopọnna nudọnamẹ he tin to hóvila awetọ glọ to weda 19tọ ji hẹ ẹ bo hia dopo to wefọ he yin dide lẹ mẹ. Ze linlinnamẹwe lọ lẹ donukọnna ẹn.

Atọ̀họ̀-Nuhihọ́ lọ Tọn Octobre-Décembre

“Etẹwẹ na yin numọtolanmẹ towe eyin yè sawhẹ sẹ́nhẹngba tọn dokọna we bọ a ma ka wàmọ? [Jotẹnna gblọndo.] E họnwun dọ a na jlo nado de vlẹko sọn yinkọ towe go! Jehovah lọsu to jejeji nado de vlẹko lẹpo sẹ̀ sọn yinkọ etọn go. [Hia Ezekiẹli 39:7.] Pọ́n nuhe hosọ ehe dọ.” Ze vọkan Atọ̀họ̀-Nuhihọ́ lọ Tọn octobre-décembre tọn na whétọ lọ bo gbadopọnna hukan awetọ hẹ ẹ to weda 21tọ ji.

Réveillez-vous! Décembre

“Nuhewutu mí do dla mì pọ́n to egbé wẹ yindọ mẹsusu ko jẹflumẹ bo tin to kọgbidinamẹnu susu glọ. Be e ma taidi dọ gbẹtọ lẹ nọ yawu gblehomẹ taun to azánvi helẹ mẹ ya? [Jotẹnna gblọndo.] Mẹdelẹ yise dọ mí to gbẹnọ to ojlẹ ayimajai tọn he Biblu dọho etọn tofi to 2 Timoti 3:1 mẹ. [Hia] Linlinnamẹwe ehe basi zẹẹmẹ owù he tin to sọmawhe mẹ lẹ tọn bosọ do nuhe na gọalọna mí nado nọ whesọ dogọ lẹ hia.”