Kanbiọ He Jọja lẹ Nọ Kanse —Etẹwẹ N’Na Yí Gbẹzan Ṣie Do Wà? (Apá 2)
To whenue hiẹ tá video lọ Les jeunes s’interrogent . . . Que vais-je faire de ma vie? [Kanbiọ He Jọja lẹ Nọ Kanse—Etẹwẹ N’Na Yí Gbẹzan Ṣie Do Wà?] godo, zín “Interviews” [Hokansemẹ Lẹ] podọ enẹgodo zín “Sections” [Adà Lẹ]. To whenue hiẹ pọ́n adà voovo atọ̀n he e bẹhẹn lẹ godo, dín gblọndo kanbiọ he tin to hukan 2tọ mẹ lẹ tọn. Enẹgodo, zín “Suppléments,” [Nudọnamẹ Devo Lẹ] podọ to whenue hiẹ pọ́n adà voovo atọ́n he e bẹhẹn lẹ godo, dín gblọndo kanbiọ he tin to hukan 3tọ mẹ lẹ tọn.
Adà Lẹ—Mẹdezizejo Na Yanwle Ovọ́ lẹ Kavi Na Jiwheyẹwhe: (1) Yanwle tẹlẹ wẹ jọja lẹ nọ yin kọgbidina nado doafọna? (2) Nawẹ 1 Johanu 2:17 sọgan gọalọna jọja lẹ nado yọ́n obá he mẹ yé dona plọnwe jẹ gbọn? (3) Naegbọn mí ma dona dike obu ni glọnalina mí nado yí baptẹm? (4) Afọdide tẹlẹ wẹ na gọalọna we nado pegan na baptẹm? Plọn Nado Yiwanna Lizọnyizọn Lọ: (5) Naegbọn jọja delẹ ma nọ mọ ayajẹ to lizọnyizọn lọ mẹ? (6) Etẹwẹ yin delẹ to nuhe sọgan gọalọna yé nado duto nuhahun enẹ ji lẹ mẹ? (7) Etẹwẹ nọ dobuna mẹdelẹ hugan yẹwhehodidọ na mẹhe yé ma yọnẹn de, podọ etẹwutu? (8) Nawẹ mí sọgan duto obu ji bo wleawuna adọgbigbo nado dọyẹwheho gbọn? (9) Naegbọn e sọ yin nujọnu nado wleawuna nugopipe delẹ to lizọnyizọn lọ mẹ? Ohọ̀n De He Yin Hunhundonuvo Na Sinsẹ̀nzọn Lọ: (10) Nawẹ sinsẹ̀nzọn gbehosọnalitọ tọn nọ hùn dotẹnmẹ susu dote nado yinukọn to gbigbọ-liho gbọn? (Flp. 3:16) (11) Naegbọn mẹdelẹ nọ whleawu nado bẹ sinsẹ̀nzọn gbehosọnalitọ tọn jẹeji? (12) Nunọwhinnusẹ́n Owe-wiwe tọn tẹlẹ wẹ sọgan gọalọna mẹhe jlo na biọ sinsẹ̀nzọn whenu-gigọ́ tọn mẹ lẹ ma nado hanú gando lehe yé na penukundo yede go to akuẹzinzan-liho do go? (13) Etẹwẹ gbehosọnalitọ delẹ wà nado penukundo yede go to akuẹzinzan-liho? (14) Etẹwẹ hiẹ sọgan wà eyin ninọmẹ towe ma hẹn yọnbasi na we nado biọ sinsẹ̀nzọn whenu-gigọ́ tọn mẹ?
Nudọnamẹ Devo Lẹ—Ale He Oplọn Mẹdetiti Tọn Nọ Hẹnwa Lẹ: (15) Naegbọn oplọn mẹdetiti tọn gbesisọ tọn do yin nujọnu? Aliho Kunnudide Tọn Devo Lẹ: (16) Nawẹ mahẹ tintindo to aliho kunnudide tọn devo lẹ mẹ nọ yidogọna ayajẹ mítọn to lizọnyizọn lọ mẹ gbọn? Sinsẹ̀nzọn Bẹtẹli Tọn: (17) Etẹwẹ yin delẹ to ale he sinsẹ̀nzọn Bẹtẹli tọn nọ hẹnwa lẹ mẹ? Wehọmẹ Azọ́nplọnmẹ Devizọnwiwa Tọn: (18) Ale tẹlẹ wẹ mẹhe yì wehọmẹ enẹ (he nọ yin yiylọ todin dọ Wehọmẹ Biblu Pinplọn Tọn Na Mẹmẹsunnu Tlẹnnọ lẹ) mọyi? Wehọmẹ Giliadi Tọn: (19) Nawẹ Peter po Fiona po dovivẹnu nado jẹ yanwle mẹdehlan tọn kọ̀n gbọn, podọ ale tẹlẹ wẹ wehọmẹ Giliadi tọn hẹnwa na yé?