Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Novembre Tọn

“To egbehe, gbẹtọ lẹ nọ saba de yẹdide Jesu tọn dile e te do to owhe fọtọ́n donu awe die wayi, vlavo taidi viyẹyẹ he tin to kanlinpa mẹ de kavi taidi dawe he yin whiwhè do yatin go de. Ṣigba, etẹwẹ a lẹndọ Jesu to wiwà to alọnu din? [Jotẹnna gblọndo.] Pọ́n nuhe hosọ ehe dọ.” Ze vọkan Atọ̀họ̀-Nuhihọ́ lọ Tọn octobre-décembre tọn na whétọ lọ bo gbadopọnna nudọnamẹ he tin to hóvila tintan glọ to weda 18tọ ji hẹ ẹ bo hia dopo to wefọ he yin dide lẹ mẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Octobre-Décembre

“To owhe agọe tọn lẹ mẹ, mẹsusu wẹ jẹ ojlo tindo ji to angẹli lẹ mẹ. Be a lẹndọ angẹli lẹ tin nugbonugbo ya? [Jotẹnna gblọndo.] Pọ́n nuhe hosọ ehe dọ.” Ze vọkan Atọ̀họ̀-Nuhihọ́ lọ Tọn octobre-décembre tọn na whétọ lọ bo gbadopọnna nudọnamẹ he tin to hóvila tintan glọ to weda 16tọ ji hẹ ẹ bo hia dopo to wefọ he yin dide lẹ mẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Réveillez-vous! Novembre

“Mí to hodọdopọ hẹ gbẹtọ lẹ to egbé do gbẹzan whẹndo tọn ji. Whẹndo godoponọ lẹ fọ́n bo to susudeji. Be a lẹndọ nuhahun whẹndo mọnkọtọn lẹ tọn sù hugan whẹndo he mẹ mẹjitọ awe lẹ tin te lẹ wẹ ya? [Jotẹnna gblọndo.] Mẹjitọ susu ko mọ ayinamẹ he gọalọna yé lẹ to Biblu mẹ. [Hia 2 Timoti 3:16.] Linlinnamẹwe ehe na ayinamẹ delẹ he na gọalọna mẹjitọ godoponọ lẹ nado hẹn azọngban sinsinyẹn yetọn di po kọdetọn dagbe po.”