Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Janvier Tọn

“Mì jaale, nawẹ mì lẹndọ Jiwheyẹwhe nọ yin? [Jotẹnna gblọndo.] Mì pọ́n nuhe linlinnamẹwe ehe dọ.” Ze Atọ̀họ̀-Nuhihọ́ lọ Tọn janvier-mars tọn na whétọ lọ bo do hosọ he tin to wepa godo tọn ji hia ẹ. Gbadopọnna nudọnamẹ he tin to hóvila tintan glọ hẹ ẹ bo hia dopo to wefọ he yin dide lẹ mẹ. Ze linlinnamẹwe lọ lẹ donukọnna whétọ lọ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Janvier-Mars

“To egbehe, mẹsusu wẹ nọ dọhodo opodo aihọn tọn ji. Be mì lẹndọ mí dona dibuna opodo aihọn tọn ya? [Jotẹnna gblọndo.] Biblu dohia dọ mẹdelẹ na luntọ́n. [Hia 1 Johanu 2:17.] Linlinnamẹwe ehe na gblọndo sinai do Biblu ji na kanbiọ ẹnẹ delẹ he mẹsusu nọ kanse gando opodo aihọn tọn go.”

Réveillez-vous! Janvier

“Mí to hodọ hẹ gbẹtọ lẹ do gbẹzan whẹndo tọn ji. Be mì lẹndọ nujọnu wẹ e yindọ whẹndo lẹ ni hodo nuhe Jesu dọ ehe ya? [Hia Owalọ 20:35b. Enẹgodo, jotẹnna gblọndo.] Ovi lẹ pinplọn nado nọ hò mẹdevo lẹ tọn pọ́n nọ vẹawu, na ṣejannabi ko gbayipe to aihọn lọ mẹ. Hosọ ehe donù aliho yọ́n-na-yizan he mẹ mẹjitọ lẹ sọgan plọn ovi yetọn lẹ nado nọ hò mẹdevo lẹ tọn pọ́n te delẹ go.”