Nulila Lẹ

◼ Owe he na yin zizedonukọnnamẹ to mars po avril po: Atọ̀họ̀-Nuhihọ́ lọ Tọn po Réveillez-vous! po. To gọyìpọn bibasi whenu, ze owe lọ Biblu Plọn Mí donukọnnamẹ kavi sọgbe hẹ nuhudo mẹlọ tọn, ze dopo to alọnuwe lọ lẹ Dotoaina Jiwheyẹwhe kavi Dotoaina Jiwheyẹwhe bo Nọgbẹ̀ Kakadoi mẹ donukọnna ẹn bo tẹnpọn nado bẹ plọnmẹ Biblu de jẹeji. Mai po juin po: Yí depope to alọnuwe pẹvi he bọdego ehelẹ mẹ zan: Ogbẹ̀ to Aihọn Yọyọ Jijọho Tọn De Mẹ, Etẹwẹ Kunnudetọ Jehovah Tọn Lẹ Yise?, Be Aihọn Ehe Na Luntọ́n Ya?, Duvivi Gbẹzan Whẹndo Tọn, Opodo Yajiji Lẹpo Tọn Ko Sẹpọ!, Todido Tẹwẹ Tin na Mẹyiwanna He Kú Lẹ? po Be Hiẹ Jlo Na Yọ́n Nugbo lọ Ya? po. Eyin whétọ lọ do ojlo hia, yí owe Biblu Plọn Mí kavi dopo to alọnuwe lọ lẹ Dotoaina Jiwheyẹwhe kavi Dotoaina Jiwheyẹwhe bo Nọgbẹ̀ Kakadoi mẹ zan nado do lehe plọnmẹ Biblu nọ yin bibasi do hia ẹ.

◼ Oflin lọ na yin bibasi to Tlatagbe 26 mars 2013. Eyin agun mìtọn nọ basi opli to Tlatagbe, mì dona diọ opli lọ do azán devo he ji Plitẹnhọ Ahọluduta tọn lọ na vò te to osẹ enẹ mẹ. Ṣigba, eyin ehe ma yọnbasi, anadenanutọ to pipli mẹho lẹ tọn mẹ sọgan basi tito bọ adà Opli Sinsẹ̀nzọn tọn he yọ́n-na-yizan titengbe na agun mìtọn lẹ nido yin dogbapọnna to tito-to-whinnu Opli Sinsẹ̀nzọn tọn devo tọn mẹ to osun lọ mẹ. Agun he tindo dlapọn nugopọntọ lẹdo tọn lẹ dona ze opli he yé nọ basi to Tlatagbe whèjai lọ do whèjai devo to dlapọn lọ whenu.