Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Avril Tọn

“Mẹsusu wẹ yọnẹn dọ Lẹgba wẹ to godo na nuylankan he to jijọ to aihọn lọ mẹ lẹ. Ṣigba, yé nọ kàn kanbiọ delẹ sè yede taidi: ‘Fie wẹ Lẹgba wá sọn? Be Jiwheyẹwhe wẹ dá ẹ ya?’ Etẹwẹ mìwlẹ lẹn? [Jotẹnna gblọndo.] Mì pọ́n nuhe linlinnamẹwe ehe dọ tofi.” Do hosọ he tin to wepa godo tọn Atọ̀họ̀-Nuhihọ́ lọ Tọn avril-juin tọn ji hia ẹ bo gbadopọnna hukan tintan po wefọ he yin dide lọ po. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Avril-Juin

“Mẹdelẹ nọ kanse yede dọ, ‘Nawẹ mí wagbọn do yọnẹn dọ Jesu yin finfọnsọnku nugbonugbo?’ Be a ko kàn kanbiọ enẹ sè dewe pọ́n ya? [Jotẹnna gblọndo.] Mì pọ́n nuhewutu gblọndo kanbiọ enẹ tọn do yin nujọnu. [Hia 1 Kọlintinu lẹ 15:14.] Linlinnamẹwe ehe basi zẹẹmẹ lehe mí wagbọn do yọnẹn dọ fọnsọnku ma yin hopàdọ de poun do tọn.”

Réveillez-vous! Mars

“Danuwiwa to whẹndo mẹ yin nuhahun de lẹdo aihọn pé. Mẹdelẹ nọ dọ dọ lẹdo kavi whẹndo he mẹ mẹde wá sọn, po ayidedai danuwiwa tọn lẹ po wẹ nọ yidogọna nuhahun enẹ. Na mìwlẹ, etẹwẹ yin whẹwhinwhẹ́n tangan he wutu danuwiwa do nọ tin to whẹndo mẹ? [Jotẹnna gblọndo.] Biblu do aliho dagbe he mẹ asu po asi po lẹ dona nọ yinuwa hẹ yedelẹ te hia. [Hia Efesunu lẹ 5:33.] Linlinnamẹwe ehe dọhodo lehe alọwlemẹ delẹ ko tindo kọdetọn dagbe gbọn nunọwhinnusẹ́n Biblu tọn lẹ yíyí-do-yizan mẹ dali.”