WESẸDOTẸN INTẸNẸT JI TỌN Watchtower Tọn
WESẸDOTẸN INTẸNẸT JI TỌN
Watchtower Tọn
Gungbe
ẹ,ọ,ṣ
  • á
  • à
  • é
  • è
  • Ẹ
  • ẹ
  • ẹ́
  • ẹ̀
  • í
  • ì
  • ó
  • ò
  • Ọ
  • ọ
  • ọ́
  • ọ̀
  • Ṣ
  • ṣ
  • ú
  • ù
  • BIBLU
  • OWE LẸ
  • OPLI LẸ
  • mwbr16 novembre w. 1-4
  • Alọdlẹndonu Nuplọnwe Opli Gbẹzan po Lizọnyizọn po Tọn

Video de ma tin na adà ehe

Jaale, nuhahun de wá aimẹ gando video lọ go.

  • Alọdlẹndonu Nuplọnwe Opli Gbẹzan po Lizọnyizọn po Tọn
  • Alọdlẹndonu Nuplọnwe Opli Gbẹzan po Lizọnyizọn po Tọn—2016
  • Hóvila Lẹ
  • 7-13 NOVEMBRE
  • 14-20 NOVEMBRE
  • WLEAWUNA PỌNDOHLAN DAGBE GANDO AZỌ́N GO
  • NỌ YÍ DEWE ZAN TO AZỌ́N TOWE KỌ̀N
  • NỌ ZE AYIHA DO LEHE AZỌ́N TOWE NỌ HẸN ALE WÁ NA MẸDEVO LẸ DO JI
  • NỌ WÀ ZẸ̀ NUHE YIN BIBIỌ TO ASI WE GO
  • NỌ TINDO PỌNDOHLAN HE SỌGBE GANDO AZỌ́N GO
  • Nukun He Yé Nọ Yí Do Pọ́n Azọ́n Sinsinyẹn
Alọdlẹndonu Nuplọnwe Opli Gbẹzan po Lizọnyizọn po Tọn—2016
mwbr16 novembre w. 1-4

Alọdlẹndonu Nuplọnwe Opli Gbẹzan po Lizọnyizọn po Tọn

7-13 NOVEMBRE

NUHỌAKUẸ LẸ SỌN OHÓ JIWHEYẸWHE TỌN MẸ | HOWHINWHẸN LẸ 27-31

it-1-F 874

Asi

Asi yin hihọ́-basina to Osẹ́n glọ. Na asu wẹ yin ota to tito alọwle tọn mẹ wutu, nubiọtomẹsi Jiwheyẹwhe tọn wẹ yindọ ewọ ni wleawuna nuhudo whẹndo etọn tọn to agbasa-liho podọ to gbigbọ-liho. Podọ kọdetọn ylanwiwa depope to whẹndo lọ mẹ tọn na gando e go; enẹwutu azọngban daho de wẹ e tindo. Na e tindo lẹblanulọkẹyi susu hú asi lọ wutu, osẹ́n Jiwheyẹwhe tọn nọ basi hihọ́na asi lọ bo na ẹn lẹblanulọkẹyi titengbe delẹ, na e nido zan gbẹzan ayajẹ tọn bo tindo kọdetọn dagbe.

Apajlẹ vude to Osẹ́n he gando asi lẹ go mẹ wẹ yindọ: Eyin asu kavi asi de deayọ, e sọgan yin hùhù. Eyin asu de vẹnudo asi etọn dọ e ma yin nugbonọ na ẹn, e sọgan plan ẹn wá yẹwhenọ dè, na Jehovah Jiwheyẹwhe nido penukundo whẹho lọ go, bọ eyin asi lọ hùwhẹ, vijinu etọn lẹ na yọ̀n; to alọ devo mẹ, eyin e ma hùwhẹ, asu etọn dona dohòna ẹn bo gbọnmọ dali do homẹvọnọ-yinyin asi lọ tọn hia to gbangba. (Sọh 5:12-31) Asu de sọgan gbẹ́ asi etọn dai eyin e mọ nuhe ma sọgbe de to e si. Vlavo mẹmasi sinsinyẹn kavi vlẹko hinhẹnwa whẹndo lọ kavi otọ́ etọn tọn ji. Ṣigba nado basi hihọ́na asi lọ, osẹ́n lọ biọ dọ owe gbẹdai tọn de dona yin nina ẹn. Gbọnmọ dali, e na vò nado wlealọ hẹ sunnu devo. (De 24:1, 2) Eyin asi do opà de he asu etọn mọdọ e ma yin nuyọnẹnnu kavi na yinuwado dagbemẹninọ whẹndo lọ tọn ji, asu etọn sọgan zẹhudo e ji. (Sọh 30:10-15) Etomọṣo, ehe yin hihọ́ de na asi, na e sọgan glọnalina ẹn nado basi nudide sọmawhe tọn he sọgan hẹn ẹn biọ nuhahun mẹ.

Osẹ́n Mose tọn na dotẹnmẹ asi susu didà, ṣigba e bẹ anademẹ he basi hihọ́na asi lẹ hẹn. Asu ma sọgan yí jlọjẹ viplọnji asi he e ma yiwanna tọn na visunnu asi he e yiwanna tọn. (De 21:15-17) Eyin viyọnnu Islaelivi de yin sisà taidi afanumẹ gbọn otọ́ etọn dali bọ klunọ etọn yí i taidi asimọwhlá, klunọ lọ dona na ẹn dotẹnmẹ nado yin fifligọ eyin e ma yiwanna ẹn ba, ṣigba e ma dona sà ẹ na jonọ de. (Eks 21:7, 8) Eyin ewọ kavi visunnu etọn wẹ yí i taidi asimọwhlá bo wá dà asi devo, e dona nọ wleawu núdùdù, avọ̀ po adọtẹn po tọn na ẹn bo nasọ nọ na ẹn jlọjẹ alọwle tọn.—Eks 21:9-11.

Eyin asu de gbọn kanyinylan dali sawhẹdokọna asi etọn dọ e ma to alọji dile e yigbe etọn do to alọwle whenu bọ whẹsadokọnamẹ lọ yin lalo, asu lọ dona yin yasana bọ e dona sú ahọ́ he nọ yin súsú na otọ́ awhli he to alọji to alọwle whenu de tọn whla awe bo ma sọgan gbẹ́ asi lọ dai gbede. (De 22:13-19) Eyin sunnu de klọ awhli he ma ko dopà alọwle tọn na mẹde bo zanhẹ ẹ, e dona sú ahọ́ alọwle tọn na otọ́ etọn, podọ eyin otọ́ lọ yigbe, e dona dà yọnnu lọ bo ma sọgan gbẹ́ ẹ dai gbede.—De 22:28, 29; Eks 22:16, 17.

Dile etlẹ yindọ ninọmẹ asi Heblu tọn lẹ tọn gbọnvo taun na ninọmẹ asi Whèyihọ-waji tọn egbezangbe tọn lẹ tọn, asi nugbonọ Heblu tọn lẹ duvivi ninọmẹ po azọ́n yetọn po tọn. Yé nọ gọalọna asu yetọn, penukundo whẹndo yetọn go, gọalọna whédo yetọn bo mọ nususu he nọ hẹn pekọ po awuvivi po wá na yé bosọ nọ penugo nado yí yọnnu-yinyin po nugopipe jọwamọ tọn yetọn lẹ po zan to gigọ́ mẹ.

Nuhe Asi Dagbe Yinyin Bẹhẹn. Howhinwhẹn lẹ 31 basi zẹẹmẹ ninọmẹ ayajẹ tọn po azọngban asi nugbonọ de po tọn. Asi nugbonọ de nọ họakuẹ na asu etọn hú aṣápán lẹ. Asu etọn nọ dejido e go. E nọ wazọ́n sinsinyẹn—lọ̀n avọ̀ na whẹndo etọn, whleahi na nuhudo whédo etọn tọn lẹ, wazọ́n to vẹngle mẹ, penukundo whédo etọn go hẹ devizọnwatọ etọn lẹ, gọalọna mẹhe to nuhudo mẹ lẹ, doaṣọ́na whẹndo etọn ganji, bo tlẹ nọ wà alọnuzọ́n nado gọalọ to akuẹzinzan-liho, wleawudaina whẹndo etọn na nujijọ ajiji sọgodo tọn lẹ, yí nuyọnẹn do dọho to aliho he jọmẹ de mẹ, podọ e nọ gbọn budisi Jehovah po azọ́n dagbe lẹ po dali mọ pipà yí sọn asu etọn po ovi etọn lẹ po dè bo nọ gbọnmọ dali hẹn yẹyi wá na asu etọn po whẹndo etọn po to lẹdo etọn mẹ. Na nugbo tọn, mẹhe mọ asi dagbe dà ko mọ nudagbe de bosọ mọ nukundagbe Jehovah tọn.—Hwh 18:22.

To Agun Klistiani Tọn Mẹ. Nujinọtedo agun tọn wẹ yindọ asi dopo wẹ sunnu dona dà. (1Kọ 7:2; 1Ti 3:2) Asi lẹ yin gbedena nado nọ yin mẹmẹglọ na asu yetọn, vlavo asu lọ yin Klistiani kavi lala. (Efe 5:22-24) Asi lẹ ma dona nọ tẹ̀ jlọjẹ alọwle tọn asu yetọn, mọdopolọ wẹ na asu lẹ lọsu, na depope to yé mẹ ma “paṣẹ do agbasa edetiti tọn ji.” (1Kọ 7:3, 4) Anademẹ yin nina asi lẹ nado nọ dike aṣọ́dido yetọn ni yin omẹ whiwhla ahun mẹ tọn, he nọ do sinsẹ́n gbigbọ tọn hia, bọ vlavo asu mayisenọ de sọgan yin dindọn nado lẹzun Klistiani gbọn walọyizan yetọn kẹdẹ dali.—1Pi 3:1-6.

To Yẹhiadonu-Liho. To yẹhiadonu-liho, Jehovah dọho gando Islaeli go taidi asi etọn, na alẹnu he e basi hẹ akọta lọ wutu. (Isa 54:6) Apọsteli Paulu dọho gando Jehovah go taidi Otọ́ Klistiani he yin jiji gbọn gbigbọ dali lẹ tọn, bosọ dọho gando “Jelusalẹm he to aga” go taidi onọ̀ yetọn, bọ e taidi dọ Jehovah wlealọ hẹ ẹ nado wleawuna Klistiani he yin jiji gbọn gbigbọ dali lẹ. (Ga 4:6, 7, 26) Agun Klistiani tọn yin hodọ gandego taidi asiyọyọ kavi asi Jesu Klisti tọn.—Efe 5:23, 25; Osọ 19:7; 21:2, 9.

w11-F 1/8 w. 29 huk. 2

Azán Todido Daho po Nukundido Ayajẹ Tọn po Tọn

Awetọ, Mẹmẹsunnu Morris hia Howhinwhẹn lẹ 27:21 he dọmọ: “Kẹdẹdile ozẹ́n gànkinkọ̀n tọn tin na fataka bọ zòhọ tin na sika do, mọdopolọ wẹ pipà he mẹde mọyi nọ whlé gbẹtọ-yinyin etọn pọ́n do.” E basi zẹẹmẹ dọ dile sika po fataka po nọ yin kinkọ̀n kavi kiklọ́we do, mọ wẹ pipà he mí nọ mọyi lẹ sọgan vọ́ tudohomẹna mí do. Gbọnna? Pipà sọgan do nuhe mí yin hia. E sọgan sisẹ́ mí nado yigo bo gbọnmọ dali jai to gbigbọ-liho, kavi to vogbingbọn mẹ, e sọgan whàn mí nado yọnẹn dọ mí duahọ do Jehovah bo na magbe dogọ ma nado yí nukun pẹvi do pọ́n nujinọtedo etọn lẹ gbede. Gbọnmọ dali, Mẹmẹsunnu Morris dotuhomẹna wehọmẹvi lọ lẹ nado nọ tindo pọndohlan dagbe gando pipà he yé mọyi lẹ go—taidi dotẹnmẹ hundote de nado dohia dọ yé tindo “budisi Jehovah.”

14-20 NOVEMBRE

w15-F 1/2 4-6

Lehe Yè Sọgan Mọ Awuvivi to Azọ́n Sinsinyẹn Kọ̀n Do

“Mẹdopodopo ni nọ dù bo nọ nù bosọ nọ mọ awuvivi sọn azọ́n sinsinyẹn etọn lẹpo mẹ. Nunina Jiwheyẹwhe tọn wẹ e yin.” (Yẹwhehodọtọ 3:13) Eyin Jiwheyẹwhe jlo dọ mí ni mọ awuvivi to azọ́n mítọn kọ̀n, be e ma sọgbe dọ ewọ ni do lehe mí na mọ awuvivi mọnkọtọn do hia mí ya? (Isaia 48:17) Mí dopẹ́ dọ e wàmọ gbọn Ohó etọn, Biblu gblamẹ. Mì gbọ mí ni gbadopọnna ayinamẹ sinai do Biblu ji delẹ he na gọalọ nado mọ pekọ to azọ́n mítọn mẹ.

WLEAWUNA PỌNDOHLAN DAGBE GANDO AZỌ́N GO

Vlavo azọ́n towe nọ biọ apọ̀n yiyizan, huhlọn yiyizan kavi awe lẹpo, yọnẹn dọ “ale tin to azọ́n sinsinyẹn wunmẹ lẹpo mẹ.” (Howhinwhẹn lẹ 14:23) Ale tẹlẹ? Nugbo lọ wẹ yindọ, azọ́n sinsinyẹn wiwà nọ gọalọna mí nado penukundo nuhudo agbasa tọn mítọn lẹ go. Na nugbo tọn, Jiwheyẹwhe dopagbe nado penukundo nuhudo mẹhe to sinsẹ̀n ẹn po ahundopo po lẹ tọn go. (Matiu 6:31, 32) Ṣigba, e sọ nọ donukun dọ mí ni yí adà mítọn wà gbọn vivẹnudido nado penukundo míde go dali.—2 Tẹsalonikanu lẹ 3:10.

Enẹwutu, mí sọgan nọ mọdọ yanwle de wutu wẹ mí do to azọ́nwa. Azọ́n yin aliho dagbe de nado penukundo nuhudo mítọn lẹ go. “Nuwadotana de wẹ e yin nado penukundo nuhudo mẹtọn lẹ go,” wẹ Joshua he tindo owhe 25 dọ. “Eyin a penugo nado nọ họ̀ nuhe sin hudo a tindo lẹ, be azọ́n towe to yanwle etọn kọ̀n jẹ niyẹn.”

Humọ, azọ́n sinsinyẹn nọ yidogọna sisi mẹdetiti tọn. Na azọ́n sinsinyẹn wiwà nọ biọ vivẹnu taun. Eyin mí nọ domẹplọnlọ míde go nado wazọ́n—to whenue etlẹ vẹawu kavi pé agbọ́ mí—mí sọgan tindo pekọ dọ mí wà nuhe go mí pé lẹpo. Gbọnmọ dali, mí ko duto ayilinlẹn lọ nado yin adidọnọ ji. (Howhinwhẹn lẹ 26:14) To linlẹn enẹ mẹ, azọ́n nọ hẹn pekọ nujọnu tọn wá. “N’yiwanna numọtolanmẹ he n’nọ tindo to vivọnu azán dopodopo tọn,” wẹ Aaron he yin nùdego to hosọ he jẹnukọn mẹ dọ. “Onú sọgan ṣikọna mi—bọ mẹdevo lẹ sọgan nọma doayi azọ́n ṣie go—amọ́ n’nọ yọnẹn dọ n’ko jẹ yanwle de kọ̀n.”

NỌ YÍ DEWE ZAN TO AZỌ́N TOWE KỌ̀N

Biblu dọho dagbe gando dawe he yin ‘azọ́nyọnẹntọ to azọ́n etọn kọ̀n’ po yọnnu he “homẹ etọn nọ hùn nado yí alọ etọn lẹ do wazọ́n” po go. (Howhinwhẹn lẹ 22:29; 31:13) Na nugbo tọn, yè ma nọ ji mẹde po azọ́nyinyọnẹn po. Podọ susu to mí mẹ ma nọ duvivi azọ́n he mí ma yọ́n wà tọn. Vlavo nuhe zọ́n niyẹn bọ mẹsusu ma nọ mọ awuvivi to azọ́n yetọn mẹ to egbehe; na yé ma dovivẹnu nado yọ́n azọ́n lọ wà wutu.

Nado dọ hójọhó, mẹde sọgan nọ mọ awuvivi to azọ́n depope mẹ eyin e nọ tindo pọndohlan dagbe gandego—enẹ wẹ yindọ, eyin e nọ dovivẹnu nado yọ́n azọ́n lọ wà ganji. “Eyin yè wà nuhe go yè pé to azọ́n de kọ̀n bo wá pọ́n kọdetọn etọn lẹ, yè nọ tindo pekọ taun,” wẹ William he tindo owhe 24 dọ. “Yè ma nọ tindo numọtolanmẹ mọnkọtọn gbede eyin yè yawu hònúpla kavi wàdidọ.”

NỌ ZE AYIHA DO LEHE AZỌ́N TOWE NỌ HẸN ALE WÁ NA MẸDEVO LẸ DO JI

Nọ dapana omọ̀ lọ nado nọ lẹnnupọndo akuẹ nẹmu he a na dù kẹdẹ ji. Kakatimọ, nọ kàn kanbiọ he bọdego ehelẹ sè dewe: ‘Naegbọn azọ́n ehe do yin dandan? Etẹwẹ na jọ eyin yè ma wà ẹ—kavi eyin yè ma wà ẹ ganji? Nawẹ azọ́n ṣie nọ hẹn ale wá na mẹdevo lẹ gbọn?’

Nujọnu wẹ e yin nado nọ lẹnnupọndo kanbiọ godo tọn ehe ji, na yè nọ tindo pekọ to azọ́n kọ̀n eyin yè mọ lehe e hẹn ale wá na mẹdevo lẹ do. Jesu lọsu dọmọ: “Ayajẹ sù to nunamẹ mẹ hú to mimọyi mẹ.” (Owalọ lẹ 20:35) Gbọnvona mẹhe nọ mọaleyi tlọlọ sọn azọ́n mítọn mẹ lẹ—enẹ wẹ ahisinọ lẹ po azọ́nmẹyimẹdotọ mítọn lẹ po—mẹdevo lẹ sọ nọ mọaleyi sọn azọ́n sinsinyẹn mítọn mẹ ga. Ehe bẹ hagbẹ whédo mítọn tọn po mẹhe to nuhudo mẹ lẹ po hẹn.

Hagbẹ whédo mítọn tọn lẹ. To whenue tatọ́ whẹndo tọn wazọ́n sinsinyẹn nado wleawudaina hagbẹ whédo etọn tọn lẹ, e whè gbau e nọ hẹn ale wá na yé to aliho awe mẹ. Tintan, e nọ hẹn ẹn diun dọ yé tindo dandannu gbẹ̀mẹ tọn lẹ to agbasa-liho—yèdọ núdùdù, avọ̀ po adọtẹn po. Gbọnmọ dali, e nọ hẹn azọngban he Jiwheyẹwhe dena ẹn di nado “wleawudaina mẹhe yin etọn titi lẹ.” (1 Timoti 5:8) Awetọ, tatọ́ he yin azọ́n sinsinyẹn watọ de nọ ze apajlẹ dagbe dai na mẹdevo lẹ gando azọ́n sinsinyẹn wiwà go. “Otọ́ ṣie ze apajlẹ dagbe dai na nuhe dù azọ́n sinsinyẹn wiwà,” wẹ Shane he yin nùdego to hosọ he jẹnukọn mẹ dọ. “E yin dawe nugbonọ de he wazọ́n sinsinyẹn to gbẹzan etọn blebu mẹ, taidi whlẹpatọ de. Gbọn apajlẹ etọn dali, n’plọn dọ nujọnu wẹ e yin nado nọ yí alọ mẹtọn lẹ do wazọ́n, bo nọ basi núzinzan he na yọ́n-na-yizan na mẹdevo lẹ.”

Mẹhe to nuhudo mẹ lẹ. Apọsteli Paulu na ayinamẹ Klistiani lẹ nado “nọ wazọ́n sinsinyẹn . . ., na [yé] nido sọgan tindo nude nado má hẹ mẹhe to nuhudo mẹ.” (Efesunu lẹ 4:28) Mọwẹ, eyin mí wazọ́n sinsinyẹn nado wleawudaina míde po whẹndo mítọn po, mí sọgan penugo nado gọalọna mẹhe tin to nuhudo mẹ lẹ. (Howhinwhẹn lẹ 3:27) Enẹwutu, azọ́n sinsinyẹn wiwà sọgan gọalọna mí nado tindo ayajẹ susu he nunamẹ nọ hẹnwa.

NỌ WÀ ZẸ̀ NUHE YIN BIBIỌ TO ASI WE GO

Jesu dọ to Yẹwhehodidọ Osó ji tọn etọn he diyin lọ mẹ dọmọ: “Eyin mẹde he tin to otẹn aṣẹpipa tọn mẹ yí huhlọn do hẹn we nado wadevizọn na kilomẹtlu dopo, basi kilomẹtlu awe hẹ ẹ.” (Matiu 5:41) Nawẹ a sọgan yí nunọwhinnusẹ́n he to hogbe ehelẹ mẹ zan to azọ́n towe mẹ gbọn? Kakati nado nọ wà nuhe yin bibiọ to asi we poun, nọ dovivẹnu nado nọ wà humọ. Ze yanwle lẹ dai; nọ wà nuhe go a pé lẹpo nado wà azọ́n towe ganji kavi yawu to e kọ̀n hú nuhe yè to nukundo sọn asi we. Nọ do ojlo hia etlẹ yin to adà flinflin azọ́n towe tọn lẹ mẹ.

To whenue a wà zẹ̀ nuhe yin bibiọ to asi we go, e yọnbasi taun dọ a ni mọ awuvivi to azọ́n towe kọ̀n. Etẹwutu? Na hiẹ lọsu wẹ nọ deanana nuyiwa towe lẹ. A nọ wà susu, na a jlo wutu, e ma yin na mẹde hẹn we gánnugánnu wutu. (Filemọni 14) Enẹwutu, mí sọgan flin nunọwhinnusẹ́n he to Howhinwhẹn lẹ 12:24 mẹ he dọmọ: “Vivẹnudotọ lẹ wẹ na dugán, ṣigba, adidọnọ lẹ na nọ yin hinhẹn gánnugánnu nado wazọ́n sinsinyẹn.” Nugbo wẹ dọ susu to mí mẹ ma na yin hinhẹn nado wazọ́n di afanumẹ kavi gánnugánnu. Etomọṣo, mẹhe nọ wà nuhe yin bibiọ to e si poun na taidi afanumẹ he to anademẹ mẹdevo lẹ tọn glọ to whelẹponu. Ṣigba, mẹhe nọ wà zẹ̀ nuhe yin bibiọ to e si go—bo nọ wàmọ na e jlo e nado wàmọ wutu—nọ mọdọ emi lọsu wẹ to anadena gbẹzan emitọn. Ewọ lọsu wẹ nọ deanana nuyiwa etọn lẹ.

NỌ TINDO PỌNDOHLAN HE SỌGBE GANDO AZỌ́N GO

Azọ́n sinsinyẹn yin nujọnu, amọ́ mí dona flindọ gbẹtọ ma dona pò na azọ́n kẹdẹ. Nugbo wẹ dọ Biblu na tuli azọ́n sinsinyẹn wiwà. (Howhinwhẹn lẹ 13:4) Amọ́, e ma na tuli mí nado pò na azọ́n kẹdẹ. “Gbọjẹ vude pọnte hú kanvinván zẹjlẹgo po wezundido to jẹhọn godo po,” wẹ Yẹwhehodọtọ 4:6 dọ. Etẹwẹ yin nuplọnmẹ lọ? Mẹhe pò na azọ́n kẹdẹ ma na mọ awuvivi to kọdetọn azọ́n etọn tọn mẹ gbede, eyin azọ́n lọ nọ yí whenu po huhlọn etọn lẹpo po. Taidi kọdetọn de, azọ́n etọn ma nọ yin nudevo hú “wezundido to jẹhọn godo.”

Biblu sọgan gọalọna mí nado nọ tindo pọndohlan jlẹkaji tọn gando azọ́n go. Dile e tlẹ dọ dọ mí dona nọ yí míde zan na azọ́n, e sọ na mí ayinamẹ nado nọ “mọdona nuhe yin nujọnu hugan lẹ.” (Filipinu lẹ 1:10) Etẹlẹ wẹ yin nujọnu hugan? Ehelẹ bẹ whenu yiyizan hẹ whẹndo po họntọn lẹ po hẹn. Ṣigba, nuwiwa gbigbọmẹ tọn lẹ wẹ yin nujọnu hugan, enẹ wẹ Ohó Jiwheyẹwhe tọn hihia po ayihamẹlinlẹnpọn deji po.

Mẹhe nọ zan gbẹzan jlẹkaji tọn lẹ nọ saba mọ awuvivi to azọ́n yetọn kọ̀n hugan. “Dopo to azọ́nmẹyimẹdotọ ṣie dai tọn lẹ mẹ ze apajlẹ dagbe dai gando azọ́n go,” wẹ William he yin nùdego wayi dọ. “E nọ wazọ́n sinsinyẹn, bo tindo kanṣiṣa dagbe hẹ ahisinọ etọn lẹ, na azọ́n etọn nọ yọ́n wutu. Ṣigba, eyin azọ́n fó to whèjai, e nọ ze azọ́n do apadopo bo nọ na ayidonugo whẹndo po sinsẹ̀n-bibasi etọn po. Po kọdetọn tẹ po? E yin dopo to mẹhe tindo ayajẹ hugan he n’yọnẹn lẹ mẹ!”

Nukun He Yé Nọ Yí Do Pọ́n Azọ́n Sinsinyẹn

“To whenue agbọ́ pé mi to whèjai, n’nọ mọdọ n’jẹ yanwle de kọ̀n bo nọ tindo ayajẹ. N’nọ mọ nugbonugbo dọ n’wazọ́n to azán enẹ ji.”—Nick.

“Azọ́n sinsinyẹn wiwà nọ yọ́n taun. Eyin a jlo na wà nude, nọ wà ẹ ganji.”—Christian.

“Agbasa gbẹtọ tọn sọgan wà nususu. N’nọ yiwanna nado do pinpẹn-nutọn hia na nunina ogbẹ̀ tọn gbọn yíyí i zan nado wazọ́n sinsinyẹn bo gọalọna mẹdevo lẹ dali.”—David.

w15-F 1/2 w. 6 huk. 3-5

NỌ TINDO PỌNDOHLAN HE SỌGBE GANDO AZỌ́N GO

Azọ́n sinsinyẹn yin nujọnu, amọ́ mí dona flindọ gbẹtọ ma dona pò na azọ́n kẹdẹ. Nugbo wẹ dọ Biblu na tuli azọ́n sinsinyẹn wiwà. (Howhinwhẹn lẹ 13:4) Amọ́, e ma na tuli mí nado pò na azọ́n kẹdẹ. “Gbọjẹ vude pọnte hú kanvinván zẹjlẹgo po wezundido to jẹhọn godo po,” wẹ Yẹwhehodọtọ 4:6 dọ. Etẹwẹ yin nuplọnmẹ lọ? Mẹhe pò na azọ́n kẹdẹ ma na mọ awuvivi to kọdetọn azọ́n etọn tọn mẹ gbede, eyin azọ́n lọ nọ yí whenu po huhlọn etọn lẹpo po. Taidi kọdetọn de, azọ́n etọn ma nọ yin nudevo hú “wezundido to jẹhọn godo.”

Biblu sọgan gọalọna mí nado nọ tindo pọndohlan jlẹkaji tọn gando azọ́n go. Dile e tlẹ dọ dọ mí dona nọ yí míde zan na azọ́n, e sọ na mí ayinamẹ nado nọ “mọdona nuhe yin nujọnu hugan lẹ.” (Filipinu lẹ 1:10) Etẹlẹ wẹ yin nujọnu hugan? Ehelẹ bẹ whenu yiyizan hẹ whẹndo po họntọn lẹ po hẹn. Ṣigba, nuwiwa gbigbọmẹ tọn lẹ wẹ yin nujọnu hugan, enẹ wẹ Ohó Jiwheyẹwhe tọn hihia po ayihamẹlinlẹnpọn deji po.

Mẹhe nọ zan gbẹzan jlẹkaji tọn lẹ nọ saba mọ awuvivi to azọ́n yetọn kọ̀n hugan. “Dopo to azọ́nmẹyimẹdotọ ṣie dai tọn lẹ mẹ ze apajlẹ dagbe dai gando azọ́n go,” wẹ William he yin nùdego wayi dọ. “E nọ wazọ́n sinsinyẹn, bo tindo kanṣiṣa dagbe hẹ ahisinọ etọn lẹ, na azọ́n etọn nọ yọ́n wutu. Ṣigba, eyin azọ́n fó to whèjai, e nọ ze azọ́n do apadopo bo nọ na ayidonugo whẹndo po sinsẹ̀n-bibasi etọn po. Po kọdetọn tẹ po? E yin dopo to mẹhe tindo ayajẹ hugan he n’yọnẹn lẹ mẹ!”

    Gun Publications | (1976-2025)
    Ṣí Adà Towe
    Hùn Adà Towe
    • Gungbe
    • Dohlan
    • Nujlomẹ Lẹ
    • Copyright © 2025 Watch Tower Bible and Tract Society of Pennsylvania
    • Osẹ́n Nọtẹn lọ Tọn Lẹ
    • Osẹ́n Nudọnamẹ Mẹdetiti Tọn
    • De Osẹ́n Nudọnamẹ Tọn Lẹ
    • JW.ORG
    • Hùn Adà Towe
    Dohlan