Alọdlẹndonu Nuplọnwe Opli Gbẹzan po Lizọnyizọn po Tọn

6-​12 FÉVRIER

NUHỌAKUẸ LẸ SỌN OHÓ JIWHEYẸWHE TỌN MẸ | ISAIA 47–51

it-1-F 660 huk. 4-5

Gbẹdai

Gbẹdai to Yẹhiadonu-Liho. Haṣinṣan alọwle tọn yin yiyizan to yẹhiadonu-liho to Owe-wiwe lẹ mẹ. (Isa 54:1, 5, 6; 62:1-6) Yè sọ dlẹnalọdo gbẹdai, kavi asi mẹtọn yinyan to yẹhiadonu-liho.—Jel 3:8.

Ahọluduta Juda tọn yin zinzindai bọ Jelusalẹm yin vivasudo to 607 J.W.M., podọ tòmẹnu lọ lẹ yin bibẹ yì kanlinmọgbenu to Babilọni. Owhe delẹ jẹnukọn, Jehovah ko dọ dọdai gando Ju he na wá yì kanlinmọgbenu lẹ go dọmọ: “Fie wẹ owe gbẹdai tọn he yin nina onọ̀ mìtọn to whenue n’yàn ẹn lọ te?” (Isa 50:1) “Onọ̀” yetọn, kavi akọta lọ, ko yin yinyan na whẹwhinwhẹ́n titengbe de wutu, e ma yin na Jehovah gbà alẹnu etọn bo ze afọdide gbẹdai tọn wutu wẹ gba, ṣigba, na ylanwiwa etọn sọta alẹnu Osẹ́n tọn lọ wutu wẹ. Ṣigba, pipotọ Islaeli tọn lẹnvọjọ bo hodẹ̀, na Jehovah nido gọ̀ haṣinṣan asu tọn lọ bẹ hẹ yé to otò yetọn mẹ. Na oyín Jehovah lọsu tọn wutu, e hẹn omẹ etọn lẹ lẹkọ do otò yetọn mẹ dile e dopà etọn do, to 537 J.W.M., to vivọnu owhe 70 vọjijẹ tọn lọ lẹ tọn.—Slm 137:1-9; pọ́n ALỌWLE.