Nọ Dapana Omọ̀ Họntọnjiji to Intẹnẹt Ji Tọn Lẹ

NUHEWUTU E DO YIN NUJỌNU: Taidi suhugan nuyizan lẹ tọn, nọtẹn họntọnjiji to Intẹnẹt ji tọn lẹ gán hẹn ale kavi awugble wá. Klistiani delẹ ko de ma nado yí nọtẹn enẹlẹ zan. Klistiani devo lẹ nọ yí nọtẹn lọ lẹ zan nado dọhodopọ hẹ whẹndo po họntọn yetọn lẹ po. Amọ́, Lẹgba ma jlo dọ mí ni nọ yí nọtẹn enẹlẹ zan to aliho dagbe mẹ, bọ ehe sọgan hẹn yinkọ dagbe po haṣinṣan he mí tindo hẹ Jehovah po gble. Taidi Jesu, mí sọgan yí nunọwhinnusẹ́n he to Ohó Jiwheyẹwhe tọn mẹ lẹ zan nado doayi owù lẹ go bo dapana yé.—Luk 4:4, 8, 12.

OMỌ̀ LỌ LẸ:

• Whenu yiyizan zẹjlẹgo to nọtẹn lọ lẹ ji. Ojlẹ susu yiyizan to nọtẹn họntọnjiji kavi hodọdopọ to Intẹnẹt ji tọn lẹ ji sọgan yí whenu họakuẹ he mí gán yizan na gbigbọnu lẹ sọn mí si

  Nunọwhinnusẹ́n Biblu tọn lẹ: Efe 5:15, 16; Flp 1:10

• Nuhe sọgan fọ́n ayihaawe dote lẹ pinpọn. Yẹdide he nọ fọ́n ojlo zanhẹmẹ tọn dote lẹ pinpọn gán tlọ mẹde do yẹdide fẹnnuwiwa tọn pinpọn kavi fẹnnuwiwa mẹ. Nudọnamẹ atẹṣitọ lẹ tọn hihia to nọtẹn mọnkọ lẹ ji gán hẹn owù wá to gbigbọ-liho

  Nunọwhinnusẹ́n Biblu tọn lẹ: Mt 5:28; Flp 4:8

• Nudọnamẹ kavi fọto he ma sọgbe lẹ zizedo nọtẹn lọ lẹ ji. Ahun sọgan klọmẹ bo sisẹ́ mẹde nado ze nudọnamẹ kavi fọto he ma sọgbe lẹ do nọtẹn lọ lẹ ji. Ṣigba, ehe sọgan hẹn yinkọ dagbe mẹlọ tọn gble kavi hẹn nuhahun wá na ẹn to gbigbọ-liho

  Nunọwhinnusẹ́n Biblu tọn lẹ: Lo 14:13; Efe 4:29

PỌ́N VIDEO LỌ NỌ AṢEJI GANDO HỌNTỌNJIJI TO INTẸNẸT JI GO, ENẸGODO PỌ́N LEHE A SỌGAN DAPANA NINỌMẸ HE BỌDEGO LẸ DO: