NUHỌAKUẸ LẸ SỌN OHÓ JIWHEYẸWHE TỌN MẸ | LEVITIKU 8-9

Dona Jehovah Tọn

8:6-9, 12; 9:1-5, 23, 24

Whenue yẹwhenọduta Aalọn tọn ṣẹṣẹ yin didoai, Jehovah do miyọ́n hlan bọ e fiọ avọ́nunina mimẹ́ tintan he yé basi. Enẹ dohia dọ ewọ kẹalọyi yẹwhenọduta lọ bo nasọ nọgodona ẹn. Gbọnmọ dali, Jehovah to tulina Islaelivi he to nujijọ lọ tẹnmẹ lẹ nado nọgodona yẹwhenọduta lọ mlẹnmlẹn. To egbehe, Jesu Klisti he yin Yẹwhenọ Daho he klohugan lọ wẹ Jehovah to yiyizan. (Heb 9:11, 12) To 1919, Jesu de pipli pẹvi sunnu yiamisisadode lẹ tọn de he nọ yin yiylọdọ “afanumẹ nugbonọ podọ nuyọnẹntọ lọ.” (Mt 24:45) Etẹwẹ dohia dọ Jehovah kẹalọyi afanumẹ nugbonọ enẹ, nọ nọgodona ẹn bosọ nọ dona ẹn?

Mahopọnna homẹkẹn he afanumẹ nugbonọ lọ fọ́n bo to pipehẹ, e gbẹ́ nọ to núdùdù gbigbọmẹ tọn na mí janwẹ
Wẹndagbe lọ to yinyin lilá “to aigba fininọ lẹpo ji,” dile Biblu dọ dọdai etọn do.—Mt 24:14

Etẹwẹ mí gán wà nado nọgodona afanumẹ nugbonọ podọ nuyọnẹntọ lọ mlẹnmlẹn?

Yẹdide debọdo-dego lẹ: 1. Jesu Klisti to gandu do aigba ji. 2. Afanumẹ nugbonọ podọ nuyọnẹntọ lọ nọ pli nado na mí núdùdù gbigbọmẹ tọn. 3. Mẹmẹsunnu de to yẹwhehodọ na dawe de.