Jọja lẹ Emi—Mì Nọ Dọ Homẹ Na Mẹjitọ Mìtọn Lẹ

Naegbọn e na yọ́n dọ a ni nọ voawu bo nọ dọ numọtolanmẹ towe lẹ na mẹjitọ towe lẹ? (Hwh 23:26) Yewlẹ wẹ Jehovah de nado nọ penukundo gowe bo nọ deanana we. (Slm 127:3, 4) Nawẹ yé gán gọalọna we gbọn eyin a nọ whlá adán he to gbigbò we po nuhe nọ dobuna we lẹ po do yé? Humọ, a ma nasọ penugo bo plọnnu sọn numimọ dagbe he yé ko tindo to gbẹ̀mẹ lẹ mẹ. Nugbo wẹ dọ e na nọ jlo we dọ a ni nọ hẹn ohó delẹ na dewe. Nude ma ylan to enẹ mẹ eyin a ma saa to gbẹzan awe zan.—Hwh 3:32.

Nawẹ a gán nọ dọhona mẹjitọ towe lẹ gbọn? Nọ tẹnpọn nado mọ ojlẹ de he yọ́n na hiẹ po yé po. Eyin e ma pà we domọ, a gán nọ kàn numọtolanmẹ towe lẹ do wema ji bo ze na dopo to yé mẹ. E gán wá jọ bọ mẹjitọ towe lẹ na jlo na dọhodo ninọmẹ de ji bọ hiẹ ma ka jlo. Eyin e jẹ mọ, nọ flindọ dagbe towe dín wẹ yé te. Ma nọ mọ yé di kẹntọ blo. E gán nọma bọawu, amọ́ eyin a nọ dọ homẹ na mẹjitọ towe lẹ, a na duale etọn sọyi bo mọ ogbẹ̀ madopodo.—Hwh 4:10-12.

PỌ́N VIDEO LỌ NUE AFLANMẸ LẸ NỌ PEHẸ—NAWẸ N’GÁN NỌ DỌHONA MẸJITỌ ṢIE LẸ GBỌN? ENẸGODO NA GBLỌNDO NA KANBIỌ HE BỌDEGO LẸ:

• 

  Etẹ go wẹ Ẹsteli po Partik po wá doayi gando yede go?

• 

  Etẹwẹ a gán plọn sọn apajlẹ Jesu tọn mẹ?

• 

  Nawẹ mẹjitọ towe lẹ dohia gbọn dọ emi to dagbe towe dín?

• 

  Nunọwhinnusẹ́n Biblu tọn tẹlẹ wẹ gán gọalọna we nado nọ dọhona mẹjitọ towe lẹ?