Jiwheyẹwhe to Towe Dọ
TO BIBLU mẹ, a na mọ ayinamẹ dagbe hugan lẹ, na Jiwheyẹwhe dè wẹ e wá sọn wutu. E ma yin owe de he nọ na ayinamẹ do agbasalilo ji, amọ́ e gán gọalọna mí to aliho dagbe lẹ mẹ nado pehẹ ninọmẹ sinsinyẹn lẹ, linlẹn agọ̀ lẹ, awufiẹsa to numọtolanmẹ-liho, gọna nuhahun agbasamẹ tọn po apọ̀nmẹ tọn he kàn dẹpẹ biọ lẹ po.
Hú popolẹpo, Biblu hẹn mí deji dọ Mẹdatọ mítọn Jehovah Jiwheyẹwhea nọ mọnukunnujẹ linlẹn po numọtolanmẹ mítọn lẹ po mẹ hugan mẹdevo depope. E nọ to jejeji nado gọalọna mí nado pehẹ nuhahun depope he mí pannukọn. Di apajlẹ, pọ́n wefọ Biblu tọn he miọnhomẹnamẹ awe ehelẹ:
“Jehovah ma dẹn do mẹhe ahun yetọn jẹflumẹ lẹ; e nọ whlẹn ayimajainọ lẹ.”—SALMU LẸ 34:18.
“Yẹn, Jehovah Jiwheyẹwhe towe, yẹn na hẹn adusilọ towe go, yèdọ Mẹhe to didọna we dọ, ‘A dibu blo. N’na gọalọna we.’”—ISAIA 41:13.
Amọ́, nawẹ Jehovah nọ gọalọna mí nado duto nuhahun apọ̀nmẹ tọn lẹ ji gbọn? Dile a na mọ do to hosọ he bọdego lẹ mẹ, Jehovah dohia nugbonugbo dọ emi nọ dọ mítọn to aliho dagbe susu lẹ mẹ.
a Jehovah wẹ yinkọ Jiwheyẹwhe tọn.—Salmu lẹ 83:18.