Ahọlu Olọn mẹ Tọn de Hẹn Dona lẹ Wá Na Aigba

41 Jehovah yí Jesu do basi Ahọlu to olọn mẹ.—Isaia 9:6; Daniẹli 7:​13, 14; Owalọ 2:​32-36

42 E na dugán do aigba lọ pete ji.—Daniẹli 7:14; Matiu 28:⁠18

43 Be hiẹ flin nuhe jọ do gbẹtọ ylankan lẹ go?—Psalm 37:​9, 10; Luku 13:5

44 Be hiẹ flin yinkọ angẹli tintan he waylando lọ tọn? Jesu na de e sẹ po angẹli ylankan diẹ lẹ po. Boṣiọ po yẹdide yetọn lẹ po na yin vivasudo.—Heblu lẹ 2:14; Osọhia 20:​2, 10

45 Jesu na basi onú dagbe susu lẹ na gbẹtọ tonusetọ lẹ.—Heblu lẹ 5:9

46 Mẹdepope ma na sọ jẹ awutu gbede ba.—Isaia 33:24; Osọhia 22:​1, 2

Be hiẹ flin lehe Jesu gbọazọ̀nna gbẹtọ awutunọ lẹ do?

47 Omẹ lẹpo na tindo onú dagbe lẹ.—Isaia 65:​17, 21-23

48 Jiwheyẹwhe nọ flin gbẹtọ he tlẹ ko kú lẹ. E na yí Jesu zan nado hẹn yé lẹgọwa ogbẹ̀ whladopo dọgọ. Ehe yin yiylọdọ fọnsọnku.—Johanu 5:​28, 29; 11:⁠25

49 Whenuena gbẹtọ ylankan lẹ yin hùhù sẹ godo, mẹdepope ma na sọ kú gbede ba. Kanlin gbémẹ tọn lẹ ma tlẹ na sọ yin owùnu de ba. Omẹ lẹpo na yin ayajẹnọ kakadoi.—Osọhia 21:4; Isaia 65:25; Psalm 37:​11, 29