Weta 9

Bẹjẹeji Gbẹzan Jesu Tọn to Whẹndo Mẹ

WHENUENA Jesu to whinwhẹ́n to Nazalẹti, otò pẹvi, he ma diyin poun de wẹ e yin. E tin to awa he tin to aga otò lọ tọn ji he nọ yin yiylọ dọ Galili, bo ma yí mọ do dẹn do Agbàdo whanpẹnọ Jẹzleẹli tọn.

To whenuena Jesu, vlavo to nudi owhe awe mẹvi, yin hinhẹn wáfi sọn Egipti gbọn Josẹfu po Malia po dali, kunnudenu dohia dọ ovi dopo akan Malia tọn wẹ ewọ yin. Ṣigba e mayin na ojlẹ dindẹn gba. To nukọn mẹ, Jakobu, Josẹfu, Simọni, po Juda po yin jiji, podọ Malia po Josẹfu po lẹzun mẹjitọ na viyọnnu lẹ ga. To godo mẹ, Jesu tindo, e whè gbahu, nọvisunnu po nọviyọnnu ṣidopo po.

Jesu tindo hẹnnumẹ devo lẹ ga. Mi ko yọnẹn dogbọn nafẹylọvi mẹho etọn Johanu dali, he nọ nọ kilomẹtlu susu lẹ do Judé. Ṣigba mẹhe nọ nọ̀ yakẹ to Galili wẹ Salomi, mẹhe e họnwun dọ nọviyọnnu Malia tọn wẹ e yin. Salomi wlealọ hẹ Zẹbede, enẹwutu visunnu awe yetọn lẹ, Jakobu po Johanu po, na yin nafẹylọvi Jesu tọn lẹ. Mí ma yọnẹn vlavo, eyin Jesu yí whenu zan po visunnu ehelẹ po to whenuena e to whinwhẹ́n gba, ṣigba yé lẹzun gbẹdohẹmẹtọ vivẹ́ lẹ to nukọn mẹ.

Josẹfu dona wazọ́n sinsinyẹn nado penukundo whẹndo etọn he to susudeji lọ go. Whlẹpatọ de wẹ ewọ yin. Josẹfu pọ́n Jesu go whẹ́n taidi visunnu edetiti tọn, enẹwutu Jesu yin yiylọdọ “ovi sunnu atinpatọ tọn.” Josẹfu plọn Jesu nado yin atinpatọ ga, podọ ewọ yọ́n azọ́n ganji. Enẹwutu wẹ gbẹtọ lẹ nọ dọ gando Jesu go to nukọnmẹ dọ, “Ehe . . . wẹ atinpatọ lọ.”

Gbẹzan whẹndo Josẹfu tọn yin jijlọdote lẹdo sinsẹ̀n-bibasi Jehovah Jiwheyẹwhe tọn. To tonusise mẹ na Osẹ́n Jiwheyẹwhe tọn, Josẹfu po Malia po na nuplọnmẹ gbigbọmẹ tọn ovi yetọn lẹ ‘to whenuena yé sinai to owhé yetọn gbè, to whenuena yé to zọnlinzin to aliho ji, to whenuena yé mlọnai, podọ to whenuena yé fọ́n.’ Sinagọgu de tin to Nazalẹti, podọ mí sọgan deji dọ Josẹfu nọ plan whẹndo etọn hẹn to gbesisọmẹ nado yì basi sinsẹ̀n to finẹ. Ṣigba matin ayihaawe yé nọ mọ awuvivi klo hugan yetọn yí to gbejizọnlin whẹ̀whẹ̀ zinzin yì tẹmpli Jehovah tọn mẹ to Jelusalẹm. Matiu 13:55, 56; 27:56; Malku 15:40; 6:3; Deutelonomi 6:6-9.

▪ E whè gbahu nọvisunnu po nọviyọnnu po nẹmu wẹ Jesu tindo, podọ etẹwẹ yin oyín delẹ tọn to yé mẹ?

▪ Omẹ atọ̀n tẹlẹ wẹ yin yinyọnẹn ganji nado yin nafẹylọvi Jesu tọn lẹ?

▪ Agbasazọ́n tẹwẹ Jesu jẹ wiwà ji to godo mẹ, podọ etẹwutu?

▪ Nuplọnmẹ titengbe tẹwẹ Josẹfu wleawu etọn na whẹndo etọn?