Weta 66

To Hùnwhẹ Gòhọtúntún Tọn Tẹnmẹ

JESU ko diyin taun to nuhe diblayi owhe atọ̀n lẹ gblamẹ sọn baptẹm etọn whenu gbọ́n. Gbẹtọ fọtọ́n susu ko mọ azọ́njiawu etọn lẹ, podọ linlin lẹ dogbọn nuwiwa etọn lẹ dali ko gbayipe lẹdo otò lọ pé. Todin, dile gbẹtọ lẹ pli na Hùnwhẹ Gòhọtúntún tọn to Jelusalẹm, yé dindin in to finẹ. “Fie wẹ e te?” wẹ yé kanse.

Jesu ko lẹzun hogo nudindọn tọn de. Mẹdelẹ dọ dọ, “Omẹ dagbe de wẹ.” Mẹdevo lẹ lá dọ, “Lala, ṣigba e to agundaho lẹ lọ plan hẹn danbú wẹ.” Pádide susu mọnkọtọn lẹ wẹ tin to azán bẹjẹeji hùnwhẹ lọ tọn lẹ gbè. Ṣogan mẹdepope ma tindo jintli lọ nado dọhó tọ́n to gbangba gando Jesu go gba. Ehe yin mọ na gbẹtọ lẹ dibu na ahọsuyíyí sọn nukọntọ Juvi lẹ tọn dè wutu.

To whenuena hùnwhẹ lọ ko jẹ daa, Jesu wá. E hẹji yì tẹmpli lọ mẹ, fie gbẹtọ lẹ yin pipaṣa te na nugopipe mẹpinplọn jiawu tọn etọn. To whenuena e yindọ Jesu ma yì wehọmẹ labbi tọn lẹ pọ́n gbede, awuji Ju lẹ dọmọ: “Nawẹ dawe he wà yọ́n owe, mẹhe ma plọn nude gbede?”

“Nuplọnmẹ ṣie ma yin ṣie gba,” wẹ Jesu basi zẹẹmẹ dọ, “ṣigba mẹhe do mi hlan tọn wẹ. Eyin mẹde jlo na wà ojlo etọn, ewọ na yọ́n nuplọnmẹ lọ, eyin Jiwheyẹwhe tọn wẹ e yin, kavi eyin yẹn to ohó dee tọn dọ wẹ.” Nuplọnmẹ Jesu tọn tin to kọndopọmẹ pẹkipẹki hẹ osẹ́n Jiwheyẹwhe tọn. Gbọnmọ dali, e dona họnwun dọ gigo Jiwheyẹwhe tọn dín wẹ ewọ te, e ma yin edetiti tọn gba. “Be Mose ma na osẹ́n mì,” wẹ Jesu kanse. To nugbẹnamẹ liho, e dọmọ: “Ganṣo bọ mẹde ma yìn osẹ́n lọ to mì mẹ.”

“Etẹwutu wẹ mì to dindin nado hù mi?” wẹ Jesu kanse to enẹgodo.

Gbẹtọ lẹ to gbẹtọgun lọ mẹ, vlavo jonọ he wá hùnwhẹ lọ tẹnmẹ lẹ, ma yọnẹn dogbọn vivẹnudido mọnkọtọn lẹ dali gba. Yé pọ́n ẹn hlan taidi nuhe ma yọ́n yise dọ mẹde na jlo nado hù mẹplọntọ jiawu mọnkọtọn. Enẹwutu yé yise dọ nude dona ko jẹdò to Jesu mẹ na ewọ nido sọgan lẹn ehe. “Hiẹ tindo aovi de,” wẹ yé dọ. “Mẹnu wẹ to dindin nado hù we?”

Nukọntọ Juvi lẹ tọn jlo dọ Jesu ni yin hùhù, dile etlẹ yindọ gbẹtọgun lọ sọgan gọ̀n ma yọ́n ehe. To whenuena Jesu hẹnazọ̀ngbọna dawe de to Gbọjẹzangbe to owhe dopo daa die jẹnukọn, nukọntọ lẹ tẹnpọn nado hù i. Enẹwutu todin Jesu do lẹnpọn dagbe matindo yetọn hia gbọn kinkanse yé dali dọmọ: “Eyin gbẹtọ yí whẹ̀gbigbò to gbọjẹzangbe, na yè ma na do hẹn osẹ́n Mose tọn gble gba; be adi to mì do do ogo e, na yẹn hẹn mẹde jẹgangan hezeheze to gbọjẹzangbe wutu? Mì dawhẹ kẹdẹdile nusọawuhia do blo, ṣigba mì ni nọ dawhẹ whẹdida dodonọ.”

Tòmẹnu Jelusalẹm tọn lẹ, he yọnẹn dogbọn ninọmẹ lọ dali lẹ, dọ todin dọmọ: “Ewọ he ma wẹ mẹhe yé dindin nado hù lọ? Bo pọ́n, ewọ to hodọ gbangba, yé ma sọ dọ onú de hlan ẹn. Be e sọgan yindọ ogán lẹ yọnẹn nugbo dọ ehe wẹ Klisti lọ?” Omẹ ehelẹ he nọ nọ̀ Jelusalẹm basi zẹẹmẹ nuhewutu yewlẹ ma yise dọ Jesu wẹ yin Klisti lọ tọn dọmọ: “Míwlẹ yọ́n dawe he sọn ofi he e te: ṣigba whenuena Klisti wá, mẹde ma yọnẹn sọn ofi he e te.”

Jesu gblọn dọmọ: “Mì yọ́n mi, bosọ yọ́n ofi he yẹn sọn: podọ yẹn ma wá na dee gba, ṣigba nugbo wẹ mẹhe do mi hlan, mẹhe mì ma yọnẹn. Ṣigba yẹn yọ́n ẹn: na e dè wẹ yẹn sọn, Ewọ wẹ sọ do mi hlan.” Na ehe wutu yé tẹnpọn nado wle e, vlavo nado ze e do ganpamẹ kavi nado hù i. Ṣogan yé ma tindo kọdetọn dagbe na ojlẹ lọ ma ko wá na Jesu nado kú wutu.

Etomọṣo, mẹsusu tindo yise to Jesu mẹ, dile e jẹ dọ yé ni basi do nugbonugbo. Yèdọ, ewọ ko zinzọnlin gbọn osin ji, doalọtena jẹhọn, hẹn oyú-jẹhọn ohù tọn nabọẹ, yí akla po whèvi vude po do na núdùdù gbẹtọ fọtọ́n susu to azọ́njiawu liho, hẹnazọ̀ngbọna awutunọ lẹ, hẹn sẹkunọ lẹ nado zinzọnlin, hùn nukun nukuntọnnọ tọn lẹ, hẹn pòtọnọ lẹ jẹgangan, podọ tlẹ fọ́n oṣiọ lẹ sọnku. Enẹwutu yé kanse dọmọ: “Be whenuena Klisti lọ na wá e na basi ohia hú ehe dawe he ko basi lẹ?”

To whenuena Falesi lẹ sè bọ gbẹtọgun lọ to hùnhlún do to ehelẹ dọ, yewlẹ po yẹwhenọ daho lẹ po do ogán aṣẹpatọ lẹ hlan nado wle Jesu. Johanu 7:11-32.

▪ Whetẹnu wẹ Jesu jẹ hùnwhẹ lọ tẹnmẹ, podọ etẹwẹ gbẹtọ lẹ to didọ gando e go?

▪ Naegbọn mẹdelẹ sọgan dọ dọ Jesu tindo gbigbọ aovi tọn?

▪ Pọndohlan tẹwẹ tòmẹnu Jelusalẹm tọn lẹ tindo gando Jesu go?

▪ Naegbọn mẹsusu do tindo yise to Jesu mẹ?