Etẹwẹ Yin Ninọmẹ Mẹjitọ Mítọn Tintan lẹ Tọn to Bẹjẹeji?

Jehovah na nudagbe susu Adam po Evi po. Gẹnẹsisi 1:28

Jehovah dá yọnnu tintan lọ, Evi, bo yí i na Adam nado yin asi etọn.—Gẹnẹsisi 2:21, 22.

Whenue Jehovah dá yé, yé tindo ayiha po agbasa pipé de po bo ma tindo oblọ depope.

E ze yé do jipa Edẹni tọn mẹ. Jipa enẹ kavi Paladisi yin lẹdo he yọnwhanpẹ taun, fie tọ̀sisa de, atin- sinsẹ́n po kanlin lẹ po tin te.

Jehovah nọ dọho hẹ yé; e nọ plọnnu yé. Eyin yé dotoaina ẹn, yé na nọgbẹ̀ kakadoi to Paladisi mẹ to aigba ji.

Jiwheyẹwhe dọ dọ yé ma dona dù sinsẹ́n atin dopo tọn. Gẹnẹsisi 2:16, 17

Jehovah do atin dopo hia Adam po Evi po to jipa lọ mẹ bo dọna yé dọ eyin yé dù sinsẹ́n etọn, yé na kú.

Dopo to angẹli lọ lẹ mẹ ṣiatẹ sọta Jiwheyẹwhe. Angẹli ylankan enẹ wẹ Satani Lẹgba.

Satani ma jlo dọ Adam po Evi po ni setonuna Jehovah. Enẹwutu, Satani yí odàn de zan nado dọna Evi dọ eyin e dù atin-sinsẹ́n lọ, e ma na kú, kakatimọ, e na taidi Jiwheyẹwhe. Ṣigba lalodo wẹ Satani te.—Gẹnẹsisi 3:1-5.