Whetẹnu Wẹ Aigba Na Lẹzun Paladisi?

Nuhahun he gọ́ aigba ji lẹ dohia dọ Ahọluduta Jiwheyẹwhe tọn na wá to madẹnmẹ. Luku 21:10, 11; 2 Timoti 3:1-5

Biblu ko dọ dọdai suhugan nuhe to jijọ to egbehe lẹ tọn. E dọ dọ gbẹtọ lẹ na lẹzun tolivẹtọ do mẹjitọ go, kanylantọ, bo na yiwanna akuẹ po gbẹdudu po.

Aigba sisọsisọ, awhàn, huvẹ po azọ̀nylankan lẹ po na tin. Onú ehelẹ to jijọ todin.

Jesu sọ dọ dọ wẹndagbe Ahọluduta lọ tọn na yin lilá to aigba lẹpo ji.—Matiu 24:14.

Ahọluduta lọ na de nuylankan lẹpo sẹ̀. 2 Pita 3:13

To madẹnmẹ, Jehovah na và mẹylankan lẹpo sudo.

Satani po aovi lẹ po na yin vivasudo.

Mẹhe dotoaina Jiwheyẹwhe lẹ na biọ aihọn yọyọ dodowiwa tọn de mẹ, fie obu ma na tin te bọ gbẹtọ lẹ na dejido yede go bo yiwanna yedelẹ.