APOTIN NUPINPLỌN TỌN 20A
Aigba Lọ Mimá
Zẹẹmẹ he yin bibasi gando dogbó aigba lọ tọn lẹ go po sọwhiwhe po hẹn kanlinmọ lọ lẹ deji dọ aigba yiwanna yetọn na yin hinhẹngọwa dandan. Etẹwẹ mí gán plọn sọn numimọ ehe mẹ to egbehe? Lẹnnupọndo adà numimọ lọ tọn awe delẹ ji:
Nọtẹn nujọnu tọn de po azọ́ndenamẹ he họakuẹ de po
Dopodopo kanlinmọ he lẹkọwa lọ lẹ tọn wẹ na mọ ogú-yigba de yí to Aigba Pagbe tọn he yin hinhẹngọwa lọ ji. Mọdopolọ to egbehe, devizọnwatọ Jehovah tọn lẹpo wẹ tindo otẹn yetọn to paladisi gbigbọmẹ tọn lọ mẹ. Mahopọnna azọngban depope he mí to hinhẹndi to titobasinanu Jiwheyẹwhe tọn mẹ, mí tindo otẹn nujọnu tọn de po azọ́ndenamẹ he họakuẹ de po to aigba gbigbọmẹ tọn lọ ji. Devizọnwatọ Jehovah tọn lẹpo wẹ họakuẹ na ẹn do zẹnzẹn.
Aigba lọ mimá do zẹnzẹn
To numimọ Ezekiẹli tọn mẹ, ogú-yigba he tin to Aigba Pagbe tọn he yin hinhẹngọwa lọ ji lẹ dopodopo nọ hẹn ale po sinsẹ́n dojó lẹ po wá na mẹhe nọ nọ̀ aigba lọ ji lẹ do zẹnzẹn. Mọdopolọ to egbehe, Jehovah ko gọalọna devizọnwatọ etọn lẹpo nado mọaleyi sọn paladisi gbigbọmẹ tọn lọ mẹ do zẹnzẹn.